USAનાં ગુજરાતી લેખકોએ રચ્યો 12000 પાનાંનો મહાગ્રંથ, રેકોર્ડ માટે થશે પ્રયાસ
એનઆરજી ડેસ્કઃ અમેરિકાના ટેક્સાસ રાજ્યના હ્યુસ્ટન શહેરમાં વસતા ગુજરાતીઓ સાહિત્ય સાથે નાતો બનાવી રાખવા માટે 15 વર્ષ પહેલા ગુજરાતી સાહિત્ય સરિતા નામક સંસ્થા બનાવી હતી. અહીં માતૃભાષાના પ્રેમીઓ ગુજરાતી ભાષાના સંરક્ષણ અને સંવર્ધન માટે વિવિધ પ્રવૃત્તિઓ યોજતા. જે પૈકીની એક પ્રવૃત્તિ છે સહિયારું સર્જન. અમેરિકામાં વસતા સર્જકોએ ગદ્યમાં ખૂબ પ્રદાન કર્યું. હ્યુસ્ટનમાં વસનારા ગુજરાતી સાહિત્ય રસિકોએ બ્લોગ અને ઇ-મેઇલનો બહોળો ઉપયોગ કર્યો.
ગીનીઝ બુક માટેનો પહેલો અટેમ્પ્ટ નિષ્ફળ
બ્લોગ અને ઇ-મેઇલથી આગળ વધીને હ્યુસ્ટનના સર્જકોએ ક્રિયેટસ્પેસનો યૂઝ કરીને 2014 સુધીમાં 25 સહિયારા સર્જનોને લિમ્કા બુક ઓફ રેકોર્ડ્ઝમાં સ્થાન મળ્યું. 2014માં સાન્ફ્રાન્સિસ્કોના પ્રજ્ઞાબેન દાદભાવાલાએ નિબંધ અને આસ્વાદો જેવી કેટેગરીમાં લેખકોને લખવા પ્રેર્યા. ધીરે ધીરે લેખકોનું જૂથ વિશાળ બન્યું અને 50 પુસ્તકોનો પ્રયાસ પૂર્ણ થયો. સંસ્થા સાથે સંકળાયેલા વિજય શાહ, પ્રજ્ઞા દાદભાવાલા, પ્રવીણા કડકિઆ અને હેમા પટેલે વિશ્વના સૌથી જાડા (thick) પુસ્તક બનાવવાનું બીડું ઝડપ્યું.
અમદાવાદી પબ્લિશરે ઝડપ્યું બીડું
જો કે, ગુજરાતી પુસ્તકને ગીનીઝ બુકમાં સ્થાનમાં ન મળ્યું. બાદમાં અમદાવાદના ‘બુક પબ.ઇનોવેશન્સ’ના કિરણ ઠાકરે 12,000 પાનાંનું પુસ્તક તૈયાર કરી આપવાની સહમતિ દર્શાવી. અમેરિકન સર્જકોને ટહેલ નંખાઇ અને ઘણા મિત્રોએ તેમના બ્લોગ અને તેમની કૃતિઓથી 12000 પાનાંના ‘સંવર્ધન માતૃભાષાનું’ મહાગ્રંથને તૈયાર કરી દીધો.
અમેરિકામાં ‘સંવર્ધન માતૃભાષાનું’ મહાગ્રંથનું વિમોચન 5 જૂન સાન્ફ્રાન્સિસ્કો અને 17 જૂનના રોજ હ્યુસ્ટન ખાતે કરવામાં આવશે.
આગળ વાંચોઃ ‘સંવર્ધન માતૃભાષાનું’ મહાગ્રંથની મહત્વતા
(અહેવાલ સૌજન્યઃ પ્રજ્ઞા દાદભાવાલા, સાન્ફ્રાન્સિસ્કો)
(ફોટોગ્રાફ સૌજન્યઃ વિજય શાહ, હ્યુસ્ટન)
સંવર્ધન માતૃભાષ।નું મહાગ્રંથ સાથે સર્જકો અને પબ્લિશર.
પ્રજ્ઞાબેને જણાવ્યું હતું કે, ‘સંવધર્ન માતૃભાષાનું’ કદાચ ગુજરાતી કે અન્ય ભાષાનું પહેલું પુસ્તક હશે જેમાં 12000 પાનાં હોય. મહાગ્રંથ બનાવવાનો હેતુ કોઇ રેકોર્ડ બનાવવાનો નહીં પરંતુ એકસોથી વધુ લેખકોનો પરદેશમાં ભાષા જીવતી રાખવાનો પ્રયત્ન છે. સાહિત્યમાં ગતિનું પણ મહત્વ છે માતૃભાષા માટેનું યોગદાન અને સંવર્ધનમાં ફાળો છે. વિશ્વસ્તરે ગુજરાતી ભાષાની ઓળખ આ પુસ્તક છે. એક જાગૃતિનું પ્રતિક છે લોકોનું ધ્યાન આપણી ભાષા તરફ જશે.
ડૉ ચીનુ મોદીએ ‘સંવર્ધન માતૃભાષાનું’ મહાગ્રંથને આવકારતા કહ્યું હતું કે, આવું સંવર્ધન કાર્ય કદાચ ભારતની કોઇ પણ ભાષામાં થયુ નથી. અને તે બહુ જ આવકારનીય પ્રયાસ છે. આ પુસ્તક દ્વારા સર્જન ક્ષેત્રે પોતાના આગવા પ્રદાન સાથે આવતા લેખકોની નોંધ જોશો તો સમજાશે કે અમેરિકામાં ઘણાં સર્જકો છે જેઓ તેમના પ્રથમ ગદ્ય સર્જન દ્વારા પ્રકાશમાં આવી રહ્યા છે. ઉદાહરણ તરીકે સાન્ફ્રાન્સિસ્કોનાં કલ્પના રઘુ, ન્યુ જર્સીનાં મહેન્દ્ર ભટ્ટ, નટવર મહેતા અને ઉમાકાંત મહેતા, શિકાગોનાં રેખાબેન શુકલ, સપના
વિજાપુરા અને હ્યુસ્ટનનાં શૈલા મુન્શા, વિશ્વદીપ બારડ, ચારુ શીલા વ્યાસ અને દેવીકા ધ્રુવ.
વિજાપુરા અને હ્યુસ્ટનનાં શૈલા મુન્શા, વિશ્વદીપ બારડ, ચારુ શીલા વ્યાસ અને દેવીકા ધ્રુવ.
(ડાબેથી જમણે) સર્જકો વિજય શાહ, પ્રજ્ઞા દાદભાવાલા, પ્રવીણા કડકિઆ, હેમા પટેલ અને પબ્લિશર કિરણ ઠાકર.
‘સંવર્ધન માતૃભાષાનું’ મહાગ્રંથ કે જેમાં 100 કરતાં વધુ પુસ્તકો છે તેને થોડા દિવસો અગાઉ જ વેચાણ અર્થે રજૂ કરવામાં આવ્યું છે. પુસ્તકની કિંમત 2250૦ રૂ. રાખવામાં આવી છે.
‘ગીનીઝ બુક ઓફ રેકોર્ડ્ઝ’માં સ્થાન મળ્યા પછી આ મહાગ્રંથ 800થી હજાર પાનાનાં નાના પુસ્તકોનાં સેટ તરીકે મળશે.
બે એરિયા, તા. ૯
"બેઠક" Bethak 