નવું વરસ – હેમંત ઉપાધ્યાય –

પ્રિય મિત્રો ,

જુના ને નવાની ની વાતોમાં દિવ્યભાસ્કરમાં વાંચેલો એક લેખની અમુક લાઈનો મને ખુબ સ્પર્શી ગઈ હતી તે ખાસ ટાંકું છું। ..ત્યારે આજના જેવી કમ્ફર્ટ નહોતી. મોબાઇલ, કમ્પ્યૂટર, કેબલ ટીવી, એટીએમ-ક્રેડિટ કાર્ડ, દરેક સભ્યનું પર્સનલ વાહન, મિલ્ટપ્લેકસ વગેરે જેવી સગવડો નહોતી. છતાં ત્યારે બહુ મજા પડતી… કારણ કે ત્યારે પપ્પા નોકરીએ જતા કે અમે સ્કૂલે જતા ત્યારે મમ્મીને ખાતરી હતી કે રસ્તામાં કયાંય બોમ્બ વિસ્ફોટ નહીં થાય, આતંકવાદીઓ ગોળીબાર નહીં કરે……

આ વેબ સાઈડ ની મુલાકાત જરુરુ લેજો ….http://archive.readgujarati.in/sahitya/?p=2917..

 

તેમ છતાં આશા અમર છે  આપણા કવિ હેમંતભાઈ એ હકારાત્મક ભાવ ની ખુબ સરસ કવિતા મોકલી છે….. વાત ખુબ સહેલી છે આપણે બધાજ જાણીએ છીએ …. એક જ જિંદગી મળી છે, એને પૂરેપૂરી જીવી લો,… ઉગતા સુરજ ને બે હાથે આવકારી લ્યો 

 

 

નવું   વરસ

ગયું   વરસ  , નવું   વરસ  , વરસ  ફરે   અરસપરસ
આશા  નિરાશા ને દફનાવી ને  ઇચ્છાઓની  રહે  તરસ

ના બદલાય ભાવ કે સ્વભાવ , આનંદે  વધાવો   વરસ
પરિવર્તન  નો અંચળો  ઓઢી પ્રભાવ દેખાડે  નવું વરસ

સ્વજનો ,મિત્રો ને શુભેચ્છાઓ  નો પીવડાવો   પ્રેમરસ
આપો એટલું પામો  એ  નિયમ કુદરત નો  છે  સરસ

પ્રાર્થજો  પ્રભુ ને  કે મને સંવેદના   ઓ  સદા  પીરસ
સંવેદના  છે સૌથી મોટો ગુરુ એના  વિના જીવન  નીરસ

સેવા ભાવ  પ્રેમભાવ ની  હમેશા   રાખજો મોટી  તરસ
માફ કરી ને સહુને   ફરી થી વધાવવાની  મઝા છે સરસ

ભૂલી ને ઘટમાળ  જીવન ની  ચાલો માંણીએ  નવું વરસ
નવું વરસ,સહુ પર   ખુશી ઓ થી બસ   વરસ વરસ

ઓમ  માં  ઓમ

હેમંત ઉપાધ્યાય
૬૬૯   ૬૬૬  ૦૧૪૪
કેલીફોર્નિયા  

​