પર્યુષણ આત્મશુદ્ધિનું પર્વ

જૈનોમા મહાનપર્વ પયુર્ષણ પર્વ છે.
આત્મ જાગૃતિનું મહાપર્વ…
માનવી વિજ્ઞાનને સિદ્ધ કરી શકયો છે,
પણ પોતાની
આંતરિક અશાંતિ અને વિષાદનો ઉપાય એ નથી કરી શકયો.
સ્થૂળ સંપત્તિ અને સાધનોને એ પામ્યો છે,
પણ અંતર ખાલી અને શુષ્ક પડયું છે….
પર્યુષણના આ પાવન અવસરે આપણૅ
તપશ્ચર્યા દ્વારા અને સેવા પુજા તથા પ્રભુના રંગમા રંગાઇને
આપણા તીર્થંકર પરમાત્મા નુ જિવન ચરિત્ર નુ વાંચન સાંભળી ને આપણુ જીવન તો જિવદયાપુર્ણ બનાવવાની કોશીશ કરી રહ્યા છીય..ત્યારે ચાલો થોડા વિચારો  દ્વારા આત્માને જગાડીએ.
તપ   
પર્યુષણ એટલે તપ-ત્યાગ  કરવાનો અવસર .
તપ એટલે ત્યાગ અથવા
સંયમ …તપ પોસાય તેટલું જ કરો આત્મા નિરાહારી છે ..દેહ આહારી છે .એ જ્ઞાની પાસે થી સમજી લેવું જોઈએ ..કારણ તપના તારણમાં આત્મા ન જડ્યો તો તપ નકામા કહેવાય .તપ ઊપયોગ પૂર્વક કરવો જરૂરી છે .નિરંતર ઉણોદરી એ તપ છે . વસ્તુનો ત્યાગ નથી કરવાનો પરંતુ વસ્તુની મૂર્ચ્છાનો ત્યાગ કરવાનો છે .ખોરાક કે વસ્તુની મૂર્ચ્છા જવાથી વસ્તુ નો ત્યાગ સહેજે ત્યાગ થઇ જશે ..સહેજે વર્તે તે વ્રત .યાદ ન  આવે તે વ્રત ..નિરંતર સ્વભાવમાં જ હોય તે જ તપ . ખરો ત્યાગ કે જે મનમાં વિચારો ઉત્પન્ન થાય ગમતા કે અણગમતા વાણીના જે જે પરમાણું ઉડે તેમાં પોતે તન્મયાકાર ના થાય તેને શુદ્ધ ત્યાગ કહ્યો છે ..સ્વાભાવિક જ્ઞાન ,દર્શન ચરિત્ર અને તપને એ મોક્ષના ચાર પાયા છે
હું શુદ્ધ સ્વરૂપ છું એ જ્ઞાન હું શુદ્ધ આત્મા છું એવી પ્રતીતિ રહે એ દર્શન અને જ્ઞાન દ્રષ્ટા રહે એ ચરિત્ર અને બહાર કશું થાય અને તપે ત્યારે એને જોવું અને જાણવું એ તપ અને અદીઠ તપ ,આંતર નું તપ .બાહ્ય તપથી સારી ગતિ મળે જયારે મોક્ષ માટે આંતર તપ જોઈએ .આંતર તપ એજ યથાર્થ  પુરુષાર્થ ….પ્રતિક્રમણ એ આંતરિક તપ.

અથર્વવેદ”માં પણ કહું છે કે “આત્મકલ્યાણની ઇચ્છા રાખનારને પહેલા તપનીની દિક્ષા આપવામાં આવે છે. એનાથી શરીરબળ, મનોબળ પદ-પ્રતિષ્ઠા અને સુખ પ્રાપ્ત થાય છે.”ગીતામાં બતાવ્યા મુજબ તપ ત્રણ પ્રકારના છે- શારીરિક તપ, વાણી નું તપ, અને માનસિક તપ..જે રીતે સોનાને તપાવવાથી તેનો મેલ ઉતરી જાય છે તે જ રીતે તપના માધ્યમથી શરીરની અંદરનો અને આત્માનો મળ વિકાર દૂર થાય છે.માટે તપને ત્યાગને સયંમ ને જાણો અને સમજો..તપને ને  ક્રિયા ન બનવો હું તપનો કરતા છું એવું ભાન થાય છે ત્યાં સુથી એ ક્રિયાકાંડ છે ..મોક્ષ માર્ગ કષ્ટ નથી સંસાર અઘરો છે અને જ્યાં  કષ્ટ છે ત્યાં મોક્ષ નથી .ભગવાને કહું છે તપ કરજો પરન્તું ઉપયોગપૂર્વક.
(વિવિધ પુસ્તકો માંથી સંકલન કર્યું છે )
 
હું, વ્રત, એકટાણાં ઉપવાસ કરું.
અને મારા મનમાંથી ગુસ્સો ઈર્ષ્યા ડંખ નિર્મૂળ ન થાય,
તો મારું એ તપ મિથ્યા છે.
હું મંદિરે જાઉં, ફુલ ચડાવું, માળા ગણું
અને મારા કર્મમાંથી સ્વાર્થ લોભ મોહ નિર્મૂળ ન થાય,
તો મારી એ પૂજા મિથ્યા છે.
હું જપ કરું, સત્સંગ કરું, ધ્યાન કરું
અને મારા ચિતમાંથી અહંકાર અભિમાન મોટાઈનો ભાવ
નિર્મૂળ ન થાય, તો મારી એ ઉપાસના મિથ્યા છે.
હું એકાંતમાં જાઉં, વૈરાગ્ય ગ્રહું, મૌન પાળું,
અને મારી ઈચ્છાઓ-વૃત્તિઓનું શમન ન થાય,
મારો દેહભાવ ઢીલો ન પડે,
તો મારી એ સાધના મિથ્યા છે.
હે પરમાત્મા, હું પ્રાથના કરું ને તમારું નામ લઉં
અને મારા જીવનમાં પ્રેમ કરુણા મૈત્રી આનંદ પ્રગટ ન થાય,
તો મારો તમારો સાથેનો સબંધ મિથ્યા છે.

—–પરમ સમીપે – કુન્દનિકા કાપડીઆ—-

આ પ્રાર્થના અંકિત ત્રિવેદીના આવાજમાં જરૂરથી સાંભળો ..

 આભાર હિના પરીખ

http://heenaparekh.com/2011/08/01/mithya-chhe/#comment-2205

નવકાર મંત્ર

નવકાર મંત્ર

બોલીએ   નમો  મહાવીર , બોલીએ નમો ત્રિશલા નંદા
વંદન   કરીએ  મહાપ્રભુને   ,  નિરખી   નિમઁલ આંખોમાં

વંદન    કરીએ     અરિહંતને  ,   ૐ   નમો    અરિહંતાણં
ધ્યાન   ધરી   સિધ્ધ   ભગવંતોનુ  ,  ૐ  નમો સિધ્ધાણં

મન  સ્મરીલે  આચાયૅ દેવોને ,  ૐ  નમો  આયરિયાણં
વંદન    ઉપાધ્યાય   દેવોને  ,  ૐ   નમો   ઉવજ્ઝાયણં

તમે   અમારા   તારણહારા    ગાઇએ    તવ   ગુણગાન
વંદન  સઘળા  સાધુજનોને  ,  નમો  લોએ  સવ્વસાહૂણં
રોમ  રોમમાં  પુલકિત  થઇને   પંચ દેવને  નમન કરો
પળે   પળે   સૌ  જપતા  રહીએ ,  અસો પંચ  નમુક્કારો

દૂર   થશે  સઘળા  પાપો , નિત્ય    હૈયે   નવકાર  ગણો
અર્થ એનો સૌ સહુ  સમજી લઇએ , સવ્વપાવપ્પણાસણૉ

મંત્ર એક નવકાર જગતમાં સર્વ મંગળોમાં અતિ મંગળ
મંગલાણં    ચ    સવ્વેસિં  ,   પઢમં      હવઇ    મંગલમ્

                                                             –  અમિત ત્રિવેદી

મંત્રએ વિજ્ઞાન  છે, અંધશ્રદ્ધાનો વિષય નથી..
નવકાર મંત્ર અને ગાયત્રી એ યુનિવર્સલ મંત્ર છે.મંત્ર માટે સંસ્કૃત અને પ્રાકૃત ભાષા સર્વશ્રેષ્ઠ છે.કેમકે મંત્રમાં શક્તિ છે. જાપનાં ત્રણ પ્રકાર હોય છે. વિજ્ઞાાનની દ્રષ્ટિએ જોઇએ પ્રથમ પ્રકારનાં ભાષ્ય જાપમાં મંત્રની કંપસંખ્યા(ફ્રિક્વન્સી) ૩૩૦ મીટર પ્રતિ સેકન્ડની હોય છે.
ઉપાંશુ જાપમાં ૨૦ હજાર મીટર પ્રતિ સેકન્ડ હોય છે અને માનસ જાપમાં કંપસંખ્યા કલ્પનાતીત હોય છે.મંત્ર જાપની સાથે જાપ કરનારની પવિત્રતા, કેવા સ્થાને બેસીને મંત્ર જાપ થાય છે. કેવા સમયે થાય છે. જો આ બધા પરિબળો પોઝીટીવ હોય તો અવશ્ય મંત્રનું ફળ મળે છે. મંત્રમાં પણ જાપ, જાપ બાદ ધ્યાન અને ત્યારબાદ લય શ્રેષ્ઠ છે.

જગતના સર્વ મંત્રોમાં શીરોમણી મંત્ર આ નવકાર મંત્ર જ છે તેથી જ તો તેને સર્વ મંગળો માં ઉત્તમમંગળ રુપ સ્થાન મળ્યુ છે. નવકારને કેવળજ્ઞાન મંત્ર તરીકે પણ ઓળખી શકાય છે. એક નાનકડા ચેકમાં લાખો રૂપિયાનો સમાવેશ થાય છે. તેમ નવકારમાં સંપૂર્ણ દ્વાદશાંગી  સમાયેલી છે.

નવકારના પદો, સંપદાઓ, અક્ષરો

              – નવકાર ૧૪ પૂર્વનો સાર છે.

              – નવકારના નવપદો છે.

              – નવકારની આઠ સંપદાઓ છે.-

              – નવકારના ૬૮ અક્ષરો છે.-

              – પહેલા પાંચ પદના ૩૫ અક્ષરો છે. (પંચ પરમેષ્ઠી)–

                -છેલ્લી ચાર (ચુલિકા) ના ૩૩ અક્ષરો છે. (ચુલિકા)-

નવકાર વાળીના ૧૦૮મણકાઓ.

પંચ પરમેષ્ઠીના ૧૦૮ ગુણ છે. એટલે તે ગુણની આરાધના માટે ૧૦૮ મણકા છે.

  •          અરિહંતના ૧૨ ગુણ
  •               સિધ્ધ ના  ૦૮ ગુણ
  •               આચાર્યના ૩૬ ગુણ
  •               ઉપાધ્યાયના ૨૫ ગુણ
  •               સ્રર્વ સાધુના ૨૭ ગુણ
  •            કુલ્લે      108 ગુણ

નવકાર માં ત્રણ તત્વો……

              નવકારમાં દેવ-ગુરુ-ધર્મ તત્વ સમાયેલા છે. તેના વડે પાપ-તાપ-સંતાપ દુર થાય છે. અને શાંતિ-સમતા-સમાધિ પ્રાપ્ત થાય છે.

  • દર્શન-જ્ઞાન-ચારિત્રની પ્રાપ્તિ માટે સવારે ઉઠીને ત્રણ નવકાર ગણવા
  • મરણની જાણ ન હોવાથી સંસારની સર્વ વસ્તુની મમતા ન રહે તે માટે રાત્રે 7 નવકાર ગણવા
  • બની શકે તો દિવસમાં એક બાંધી નવકારવાળી ગણવી
  • મંત્ર જાપની સાથે જાપ કરનારની પવિત્રતા, કેવા સ્થાને બેસીને મંત્ર જાપ થાય છે. કેવા સમયે થાય છે. જો આ બધા પરિબળો પોઝીટીવ હોય તો અવશ્ય મંત્રનું ફળ મળે છે. મંત્રમાં પણ જાપ, જાપ બાદ ધ્યાન અને ત્યારબાદ લય શ્રેષ્ઠ છે.

વરસતા રહો તો ધોળા થવાનો વસવસો નહીં રહે..કૃષ્ણકાંત ઉનડકટ

મિત્રો ,ચાલો ગમતા નો કરીએ ગુલાલ

એક  મજાનો લેખ મારા હાથમાં આવ્યો જેની અમુક લીટીઓ  આપ બધા પાસે રજૂ કરું છું
વરસાદ વરસે અને પલળવાનું મન થઈ આવે તો માનજો કે તમે યુવાન છો.
વાદળ ગરજે અને દિલનો એકાદ ધબકારો પણ વધે તો માનજો કે તમે યુવાન છો.
ભીંજાયેલા શરીર સાથે સંવેદનાઓ ઉછળે તો માનજો કે તમે યુવાન છો.
વરસતાં વરસાદમાં મન થોડુંક લપસે તો માનજો કે તમે યુવાન છો.
કારણ ચોમાસું બેસતું નથી, ચોમાસું ઊગે છે,ચોમાસું ખીલે છે, ચોમાસું મહેકે છે. .
 દુનિયાનો કોઈ કવિ એવો નહીં હોય જેણે વરસાદ પર કવિતા ન લખી હોય.
ચોમાસાની વાત આપણાં કવિ રમેશ પારેખની પંક્તિઓ વગર અધૂરી રહે.
રમેશભાઈ ની પંક્તિ ટાંકતા  લખે છે,
આકળ વિકળ આંખ કાન વરસાદ ભીંજવે, હાલક ડોલક ભાન શાન વરસાદ ભીંજવે.
અહીં આપણે બે અને વરસાદ ભીંજવે, મને ભીંજવે તું તને વરસાદ ભીંજવે.
વરસાદની પળોમાં દરેક વ્યક્તિ આ પંક્તિઓ જીવે છે..
વરસાદ બાળકો માટે છબછબિયાંની મોસમ છે.
ખાબોચિયામાં પગ પછાડવાની મજા અને આકાશ તરફ મોઢું રાખી ખુલ્લી આંખ
અને મોંમાં વરસાદ ઝીલવાની મજા
એ બચપણનું શ્રેષ્ઠ સંભારણું છે
એટલે જ જગજિતસિંહે ગાયેલું ગીત, ‘વો કાગઝ કી કશ્તી, વો બારિશ કા પાની’
આપણામાં સંતાઈ ગયેલા બાળકને પાછું જીવતું કરી દે છે.
આવો જ એક એસએમએસ એક મિત્રએ કર્યો,
‘બચપન કી વો અમીરી ન જાને કહાં ખો ગઈ,
વરના કભી બારિશ કે પાની મેં હમારે ભી જહાજ ચલા કરતે થે.’
ઉંમરની સાથે વરસાદની વ્યાખ્યાઓ બદલાતી રહે છે.
એક બુઝુર્ગે કહ્યું કે માણસના માથાના વાળ પહેલાં કાળા હોય છે પછી ધોળા થાય છે.
વાદળ પણ પહેલાં કાળાં હોય છે અને વરસી ગયા પછી ધોળા થાય છે. .
જિંદગી વરસવા માટે છે.મિત્રો આપણે સહુને જીવીએ ત્યાં સુધી વરસવું છે .
પછી ભલે અમેરિકામાં આપણને ભાગ્યેજ વર્ષા જો મળતી હોય,
પરંતુ વાદળ શીખવે છે કે વરસતા રહો તો ધોળા થવાનો વસવસો નહીં રહે..-
કૃષ્ણકાંત ઉનડકટ
મિત્રો આ લેખ આખો વાચવા એમના બ્લોગની મુલાકાત જરૂર લેજો .http://krishnkantunadkat.blogspot.com/..

વિશ્વ માતૃભાષા દિવસ

મિત્રો
માતૃભાષાનું જતન કરવા માટે વિશ્વ કક્ષાએ પ્રતિ વર્ષે ૨૧મી ફેબ્રુઆરીએ વિશ્વ માતૃભાષા દિવસ તરીકે ઉજવણી કરવામાં આવે છે
આજે વિશ્વ માતૃભાષા દિવસ છે.ભાષા સાથેનો આપણો સંબંધ પરસ્પર છે. આપણે ભાષાને જીવાડશું, માનાં હેતથી માતૃભાષા આપણને જીવાડશે.
“વિશ્વ માતૃભાષા દિવસ”ની શુભેચ્છાઓ સાથે

ગુજરાતી ભાષાનું ગૌરવ દર્શાવતી શ્રી ઉમાશંકર જોષી આ અમર રચના


જે જન્મતાં આશિષ હેમચન્દ્રની

પામી, વિરાગી જિનસાધુઓએ

જેનાં હિંચોળ્યા મમતાથી પારણાં,

રસપ્રભા ભાલણથી લહી જે

નાચી અભંગે નરસિંહ-મીરાં-

અખા તણે નાદ ચડી ઉમંગે

આયુષ્મતી લાડલી પ્રેમભટ્ટની

દ્રઢાય ગોવર્ધનથી બની જે,

અર્ચેલ કાન્તે, દલપત પુત્રે

તે ગુર્જરી ધન્ય બની ઋતંભરા 

ગાંધીમુખે વિશ્વમાંગલ્યધાત્રી

 

                                                                      – ઉમાશંકર જોષી (૧૯૧૧ – ૧૯૮૮)

 

નવા વરસના સૌને નુતનવર્ષાભિનદન

સૌ પરિવારજનોને પણ ખૂબખૂબ દિવાળીની હેતભરી મુબારક…

આજ મુબારક…., કાલ મુબારક…. નવીન હર પળ મુબારક દિવાળીની ખૂબ ખૂબ શુભ કામનાઓ અને નવા વરસના સૌને નુતનવર્ષાભિનદન .

અને નવું વરસ સુખમય,શાંતિમય અને આરોગ્યપ્રદ રહે તેવી હાર્દિક શુભેચ્છાઓ.

મિત્રો આ સાથે  માસીની એક સુંદર રચના મોકલું છું
રચના માસી માટે સરળ અને  સહજ છે ..પરન્તું હું એમ કહીશ કે એમની દરેક રચના એ એમની એ કલ્પના, કળા, કે કુસુમમાળા છે.સરસ ગીત, સરસ સંગીત સરસ મધુર ગાયકી…શબ્દની મઝા અને મીઠા સ્વર થી સાચેજ દીવડા પ્રગટી ઊઠ્યા હોય એવુ લાગશે.
http://tahuko.com/?p=10200

દીવડીયે દીપમાળ સજાવો

દીવડીયે દીપમાળ સજાવો
ઝગમગ જ્યોત જલાવો
દીવડીયે દીપમાળ સજાવો ..

ચાંદો સૂરજ ગગન દીપક બે
રાતદિવસને અજવાળે …
દીવડીયે દીપમાળ સજાવો ..

નવલખ તારા ટમટમ ટમકે
મેઘમંડળમાં વીજળી ચમકે ..
દીવડીયે દીપમાળ સજાવો ..

હ્રદય મંદિરીયે દીપક પ્રગટે
નયન મંદિરીયે જ્યોતિ ઝબૂકે ..
દીવડીયે દીપમાળ સજાવો ..

– મેઘલતા મહેતા

 

સરગમનાં સૂરોમાં તણાઈ

મિત્રો આજે તમારો પરિચય આપણા નવા મિત્ર  કુન્તાબેન   સાથે કરાવીશ .


કુન્તાબેન શાહ આપનું બ્લોગ જગતમાં ભાવ ભર્યુ અને સ્નેહ નીતરતું સ્વાગત્.

આમતો મારે    કુન્તામાંસીનો  પરિચય આપવાની જરૂર નથી  કારણ અએમની કવિતા એજ એમનો પરિચય છે ..એમના શબ્દોમાં કહું તો …. . જયારે મારી સંગીત શીખવાની કોશિશ એ પરાકાશ્ટાએ પહોંચશે, સહજ જ રચનાઓ સરતી થશે અને નિયમ બધ્ધ થશે ત્યારે  એ મારા કૂળદેવને સમર્પ્ણ કરવાની મારી યોગ્યતા થશે..
રાગ અને શબ્દો વચ્ચે ઝુલતાં હૈયાની આ સંવેદના,સંગીત  પ્રેમથી પર થઇને પ્રભુનું શરણ ઝંખે છે એ આખો યે ભાવ સરસ  રીતે કવિતામાં આલેખવાની કોશિશ કરી છે .

આ એમની પ્રથમ કોશિશ છે.

..પરંતુ મિત્રો તમે જાણો છે તેમ સીનિઅર સિટિઝન ને પ્રેરણા આપવા તેમના જીવનના વિવિધ પાસાઓને સ્પર્શતા તેમના  અનુભવો ને   અભિવ્યક્તિ આપવા , તેમજ  તેમની માતૃભાષાની ચાહતને વ્યક્ત કરવા તથા ભાષાને તેના મહત્તમ ચાહકો સુધી પહોંચાડવાનો.  અમારો આ બ્લોગ દ્વારા  એક નમ્ર પ્રયત્ન છે..તો કુન્તાબેન ની કવિતા વાંચી અભિપ્રાય જરૂર આપજો ..

સરગમનાં સૂરોમાં તણાઈ,
ધડકનના લયમાં વણાઈ
,
અચાનક સર્જાયુ શબ્દોનુ નર્તન.

કરું એ શ્રી કૄષ્ણને પદપંકજે અર્પણ.
 જ્યારે,
 શબ્દો ઝરણાંની જેમ રમતા થશે,
ભલેને આડા અવળા થઇ વહે, પણ
એનાં સરગમ ભૈરવીમાં તલ્લીન થશે,
અને ધબકારા લયમાં વિલીન થશે
,
ત્યારે, 

મારું મૂક તાંડવ,
હર હર મહાદેવને ચરણે હશે.
 

…………….કુન્તાબેન શાહ…………….

શબ્દોનો છે શણગાર ભાઈ શબ્દોનો છે શણગાર

Gujarati (ગુજરાતી) in Gujarati Script. Created...

Image via Wikipedia

મિત્રો ,
ગોવિંદભાઈ પટેલને તો તમે સૌ ઓળખો છો , એ આપણાં બ્લોગના
શીઘ્ર કવિ  છે ત્વરિત કવિતા બનાવામાં માહિર છે. અને ગુજરાતી ભાષાના એ મોટા ચાહક પણ ખરા ,અમેરિકામાં આવીને વસ્યા તો છે પણ પોતાની માતૃભાષા  અને વતન હજી છોડયું નથી . લ્યો તમને એનો એક દાખલો પણ દઉં..મેં  મહિનામાં અલાસ્કા જવાના છે ..પરન્તું ટુર ગાઈડને કહું છે કે મારી સાથે ગુજરાતીમાં  બોલવું પડશે.. આમતો ગોવિંદભાઈ નોકરી કરે છે,રાતે નોકરી પર જાગતા હોય ત્યારે કવિતા રચે છે .. પરંતુ    કમાણી માંથી   પૈસા બચાવી ને પોતાના વતનમાં સંસ્થાઓ ને મોકલે છે .. આવા ગીવિંદ ભાઈ એ આપણાં શબ્દોનું સર્જન બ્લોગ માટે પણ એક કવિતા રચી છે , શબ્દો શું કરે છે ? શબ્દો નો શણગાર શું છે ?
શબ્દો થી સર્જન અને વિસર્જન બંને થઇ શકે છે .તો મિત્રો માંણીએ એમની કવિતા..

અક્ષરથી જો અક્ષર મળે તો શબ્દ  બની જાય છે.

શબ્દથી જો  શબ્દ મળે તો વાક્ય સજાઈ જાય છે

 અલંકારના આભુષણ ને વ્યાકરણના પહેરે વાધા તો

 વાક્ય થકી  ગીત ગઝલ ને કવિતા રચાઈ જાય છે.

શબ્દોનો  છે શણગાર ભાઈ શબ્દોનો છે શણગાર

 શબ્દનો  ભણકાર ભાઈ  શબ્દો  કેરો  છે  રણકાર   …..ભાઈ શબ્દોનો

 શબ્દ ખાવો શબ્દ  પીવો શબ્દના લ્યો ઓડકાર

 શબ્દને ઘુંટી ઘુંટી જીવો થાયે જીવન  સાક્ષાત્કાર…. ભાઈ શબ્દોનો

 શબ્દ થકી બાળપણ ને સગપણ શબ્દથી સંસાર

 શબ્દથી ચાલે આ સૃષ્ટિ ને છે શબ્દ એનો આઘાર….. ભાઈ શબ્દોનો

 શબ્દે જાગવું  ને સુવું  શબ્દ થકી હટે  અંધકાર

 શબ્દથી સાગર ગરજે શબ્દથી મેઘ અનરાધાર……. ભાઈ શબ્દોનો

 શબ્દ થકી સબંધો ને શબ્દથી ચાલતો સંસાર

 શબ્દથી સંધાય સરહદો શબ્દ સળગાવે સંસાર……. ભાઈ શબ્દોનો

 શબ્દથી કાયદા ને  વાયદા શબ્દ  થકી  વેપાર

 શબ્દથી વચનો ને કર્મો શબ્દે  ચાલે છે સરકાર……. ભાઈ શબ્દોનો

 શબ્દથી  માત પિતા ભાઈ ભગિની ને ભરથાર

 શબ્દથી સાધુ સંત ગુરુ ને  નોધારાના આધાર……. …ભાઈ શબ્દોનો

 શબ્દથી ધર્મ અધર્મ ગાયત્રી ને ગીતાનો સાર

 બાઈબલ કુરાન શબ્દથી ગુરુ ગ્રન્થનો છે સહાર…….. ભાઈ શબ્દોનો

 શબ્દ  સાધુ સંત સમજાવે આપે  ઉપદેશ અપાર

 શબ્દથી નેતાઓના કાળા કામો થાયે  ભ્રષ્ટાચાર……….ભાઈ શબ્દોનો

 શબ્દે જીવવું શબ્દે મરવું શબ્દે મળશે મોક્ષ દ્વારm

શબ્દે જેણે જીવી જાણ્યું થયો છે એનો બેડો  પાર…….. ભાઈ શબ્દોનો

શબ્દથી પાકિસ્તાન પછડાવે બાંગ્લા બોલે બે વાર

 શબ્દ થકી બને છે અમેરિકા જુઓ જગત  જમાદાર…… ભાઈ શબ્દોનો

 શબ્દ ગાજે શબ્દ નાચે શબ્દે રાગ રાગિણી ભંડાર

 શબ્દથી નવલકથા નીપજે  શબ્દે જ થાય   સમાચાર….. ભાઈ શબ્દોનો 

 શબ્દથી સર્જન વિસર્જન  ને  શબ્દ પ્રીત  ભારોભાર

 શબ્દો કેરું  સરોવર છલકે તો ઘૂઘવે ધસમસતા નીર…..ભાઈ શબ્દોનો

 શબ્દે માનવ જગતમાં થાયે રામ કૃષ્ણ ને મહાવીર

 શબ્દે રાવણ કંસ જ બનતા ના આવે શરમ  લગીર…….ભાઈ શબ્દોનો  

 શબ્દ છે અનોખું આભુષણ શબ્દે  બનો   ધીર ગંભીર

 શબ્દ મહિમા “સ્વપ્ન” સમજાવે શબ્દ છે સાચું હીર….. ભાઈ શબ્દોનો


                                          સ્વપ્ન જેસરવાકર    ( ગોવિંદ પટેલ )



ચાલો ઉજવીએ ક્રિસમસ


પધારો મિત્રો !

બે ઘડી હસી લઇએ. હસતાં હસતાં  જોજો રડી ન પડાય .. હા મિત્રો આજે  હેમંત  ઉપાધ્યાયની એક હાસ્ય કવિતા લઇને આવી છું.ઘણી વાર જિંદગીની  વાસ્તવિકતા પર હસવામાં જ મજા હોય છે .“હસે તેનું ઘર વસે” એ ગુજરાતી કહેવત બધાયને ખબર હશે, પણ કોઇ મને એ કહેશે કે ‘અમેરિકામાં  વસ્યા પછી તમે કેટલું હસ્યા…? !! નથી હાસ્ય  તો આજે હસી લ્યો …

હાસ્ય   કવિતા

અહીં  ના  વૃદ્ધ   નાગરીકો   ની  મનોદશા  પર
( સામાન્ય  રીતે વૃદ્ધ વ્યક્તિઓ   જીદ્દી   હોય તેવા અનુમાન સાથે )

ચાલો  ઉજવીએ  ક્રિસમસ

આપણે  થવું નહીં ટસ ના મસ
ચાલો  ઉજવીએ  ક્રિસમસ
ભારત ની કરતા  રહીશું  ભસ ભસ
ચાલો  ઉજવીએ  ક્રિસમસ
અહીં તો ઘર માં જ રહેવું બસ
ચાલો  ઉજવીએ  ક્રિસમસ
અહીં સીનીયરોનાચહેરા રડમસ
ચાલો  ઉજવીએ  ક્રિસમસ
અહીં બુદ્ધિશાળી  ને જ મળે જશ
ચાલો  ઉજવીએ  ક્રિસમસ  

અહીં એસ એસ આય સિવાય નથી રસ
ચાલો  ઉજવીએ  ક્રિસમસ
હીં વતન ના જતન માં નથી કસ
ચાલો  ઉજવીએ  ક્રિસમસ
ગુજરાતી સીનીઓર  કરો હસાહસ
ચાલો  ઉજવીએ  ક્રિસમસ

(ઓમ માં ઓમ)
હેમંત  ઉપાધ્યાય