પ્રેમ એટલે કે…… પ્રેમ

પ્રેમ એટલે કે પ્રેમ 
 
ભગવાન ખુદ આ ધરતી ઉપર માનવ -રૂપ લઈને અવતર્યા અને કૃષ્ણલીલાનું એક અનોખું રૂપ આપી ગયા ,મીરાંબાઈ એ જ કિશનજીના પ્રેમમાં એકરૂપ બની ગઈ,અને ઝેરનો પ્યાલો મોઢે લગાડતા ખચકાટ અનુભવ્યો નહિ ..
હા આજ પ્રેમ એટલે કે પ્રેમ,સ્નેહ,લાગણી,તમન્ના,ભાવુકતા,ઉત્સુકતા  આ બધા લક્ષણો શું દર્શાવે છે ?…એ દર્શાવે છે, માનવ -મન ,કેવા કેવા રંગોથી શોભાયમાન છે…. મેઘધનુષ્યની માફક રંગોની લ્હાણી થતી હોય તો ?
હા પ્રેમ એટલે  …..પ્રેમ ,જેમ દરેક ગુણ, નિયમો અને ફરજોથી બંધાયેલા છે ,તેજ રીતે પ્રેમ પણ બંધાયેલા છે રાજા વિક્રમના ગુણોનાં ગીત ગાતા આપણને ખચકાટ નહિ,બલકે આનંદની છલકોનો આભાસ થશે ,તેજ રીતે રાધા-કિશનની વાર્તાઓ દિલને દ્રવી દેશે  ..
 
હા પ્રેમ એટલે  …પ્રેમ બીજાના સુખમાં આનંદ અનુભવો એટલે પ્રેમ જોવાની ઈચ્છા રાખો તો બધેજ નજરે પડે,બાલ-પક્ષીઓનો કલરવ -માતા કૈક લાવી હોય તે મુખમાં મૂકે!……માનવ -માતા બાળકને છાતી સરસો ચાંપીને  નિદ્રાદેવીને આશરે પોઢાડી દયે!…..ગુરુ શિષ્યને પ્રિયજનની કક્ષાએ જ્ઞાન અર્પિત કરે !
 
હા પ્રેમ એટલે  …પ્રેમ બીમારીથી ખાટલા -વશ સ્વજનની સેવા,ગરીબી થકી બેહાલ જિંદગી જીવતા ભાઈ-બહેનો પ્રતિ હમ દર્દી,અન્યોને અન્યાય થતો જોતાં રોશની લાગણી ઉભરવી -આ બધાં પ્રેમના પ્રતિક છે,ગુલામીમાંથી દેશની મુક્તિ કાજે કુરબાની એ પ્રેમની પરાકાષ્ઠા છે. 
 
હા પ્રેમ એટલે  ….પ્રેમ મેઘધનુષ્યનાં રંગોની માફક પ્રેમના રંગોને જોવા -જાણવાની મઝા,પ્રેરણાથી ભરપુર છે,પ્રેમ એતો ભગવાનનો જ અંશ છે. મનુષ્ય માત્રમાં રહેલો છે એક બીજા પ્રતી ,પ્રેમ -સમભાવ હોય,સ્વાભાવિક છે.અને અનુભવો એ ભગવાનને નમન કર્યા બરાબર છે. 
 
હાં  તો પ્રેમ એટલે કે  ….પ્રેમ  પ્રણય એ પ્રેમ -પ્રકરણ હોવા છતાં ,અટુલો વિષય બની જાય છે। દિવસના તારા જોવા ,ચાંદમાં પ્રિયતમાને નિહાળવી ,ફૂલની કોમળતામાં પ્રિયતમનો સ્પર્શ અનુભવવો ,લેયલા -મજનું ,શિરિન ફર્હાદને યાદ કરવા,તેમજ ઊંઘને જાકારો આપવો -માટે હું અને તું એક થવા કરતાં ,અમે અને તમે એક થઇ જઈએ તો !
 
હાં ,તો પ્રેમ એટલે। …પ્રેમ 
-ભીખુભાઈ પટેલ
 

— 

“તો સારું “-ભીખુભાઈ પટેલ

 
P1000004
“તો સારું “
મિત્રો ભીખુભાઈએ નવા વિષય પર કલમને ઉપાડી ,જ્યારથી પુસ્તક પરબ શરુ કર્યું ત્યારથી ભીખુભાઈની હાજરી હંમેશા રહી છે  એમને વાંચવાનો શોખ છે પરંતુ પુસ્તકપરબને લીધે  લખવા પણ માંડ્યા છે ,ઘણીવાર કહે છે મારું ગુજરાતી સાહિત્યના ટોચનું નથી કારણ જીવન વહેવારમાં હું અંગ્રજી નો ઉપયોગ કરું છું ,પરંતુ પુસ્તકપરબ અને બેઠકે મને મારી માત્રુભાષા  સાથે ઓળખ કરાવી છે.” તો સારું” વિષય પર લખતા સાઇકાયટ્રિસ્ટની જેમ કહે છે “ તો સારું” શબ્દ માનવ મનની અપેક્ષાવૃતિ નિર્દેશક છે.  બીજી તરફ..માનવીની વૃતિ વિષે કહે છે કે “તો સારું “માનવીનું દિવાસ્વપ્ન છે.  એને તો એની સામે પ્રશ્ન ઉઠાવી ભીખુભાઈ કહે છે  …. તો સારું કહી બધું જોઈએ છે પરંતુ જવાબદારી કોણ લેશે ? અને અંતમાં ખુબ સરસ વાત સહજતાની કરી છે કે.. “તો સારું ની” અપેક્ષા વૃતિને પોસવા કરતા જીવનને સહજ રીતે જોતો થઇ જાઉં તો સારું …….મિત્રો પહેલીવાર એમનું લખાણ મુકું છે તો આપના અભિપ્રાય આપી પ્રોસાહન આપજો.
 
તો સારું 
 
તો સારું શબ્દો ,માનવ મનની અપેક્ષાવૃતી નિર્દેશક છે ,માનવ અને જનાવરમાં ભગવાને આત્મારૂપી વસવાટ કર્યો છે ,તેમજ શારીરિક અને માનસિક શક્તિઓ મૂકી છે ,તફાવત ફક્ત વ્રુતિઓનો છે.
એક શારીરિક જરૂરિયાતની પૂર્તિમાં સંતોષ અનુભવે છે. જયારે માનવ આવતી કાલનો પણ વિચાર કરતો હોય છે -આવતી કાલ સારી જાય -ન જાય ,તેની માનસિક ચકાસણી કરતો થઇ જાય છે,ધંધો લીધો છે,સરસ ચાલે છે,કોઈ હરીફાય ન આવે “તો સારું”,…… કાયદા કાનુનમાં બદલાવ ન આવે “તો સારું”…  ,માનવીની તૈયારીઓનો કોઈ અંત નથી -એક મરઘીમાંથી અનેક મરઘીઓ,અને તેના ઈંડા વેંચીને તવંગર થઇ જઈશ -અને દિવાસ્વપ્નો જોતા થઇ જઈએ છે. 
 આ પ્રદુષણ  આપણી જીવન દોરી ટુંકાવી ન દે” તો સારું  ” આવું બધા બોલતા હોય છે પરંતુ પ્રદુષણ ન થાય તે માટે ની જવાબદારી લેવા કોઈ તૈયાર નથી .સારું કહી બધું જોઈએ છે પરંતુ જવાબદારી કોણ લેશે ?
હવે આંતકવાદ બંધ થાય તો સારું ,આંતકવાદ કહેવો કોને ?ઘરમાં જગડે એને કે બીજા સાથે બાખડે એને ?કોઈ શારરિક રંગ થકી ,કોઈ વિચારોમાં સુમેળ નહિ હોવાથી ,તો વળી કોઈ ધાર્મિક વિચારોમાં  સુમેળ નહિ હોવાથી ,તો વળી કોઈ ધાર્મિક વિચારોમાં સુમેળ નહિ હોવાથી ,તો કોઈ વળી સીધી સાદી ઈર્ષા થકી ,કોઈ પોતાના દેશમાં ,કોઈ પરદેશમાં -કોને આંતકવાદ કહેવો ?
ધરતીમાતાએ પોતાના બાળકોને જુદી જુદી જગ્યાઓ પર રહેઠાણ આપ્યું છે ,ભૌતીક તથા હવામાનના કારણે રીત-રસમ બની ,શારરિક દેખાવ બન્યો ,તેમજ જીવન -નિર્વાહનના સાધન બન્યા ,એક-બીજાની જરૂરીયાતને સમજવાની વાત છે બધા સમજે “તો કેટલું સારું” !
“સત્ય મેવ જયતે” – આપણું રાષ્ટ્રીય વાક્ય ,જુઠાણું હોય તે બદલતું રહે છે ,સત્ય હમેશાં એક  હોય છે  હિન્દુસ્તાન (ભારત )નો ઈતિહાસ બદલતો રહે છે ,પહેલેથી સત્ય લખ્યું હોત “તો સારુ”ને !
અને છેલ્લે બે પંક્તિ …..
જીવન દુઃખનો દરિયો માનવા કરતા ,
ઉમંગોનો ઉછળતો મહાસાગર જોતો થઇ જાઉં- “તો સારું” 

-ભીખુભાઈ પટેલ 

મિત્રો, આપણી  બેઠકનો અહેવાલ-દિવ્યભાસ્કરમાં આવ્યો છે ,જેની મુલાકાત લેજો  http://www.divyabhaskar.co.in/article/NRG-USA-bay-area-gujarati-group-meet-4514305-PHO.html?seq=1