વિદેશમાં ગુજરાતી સાહિત્ય-સંસ્કૃતિને આગળ ધપાવતાં મહિલા: પ્રજ્ઞા દાદભાવાળા- નવગુજરાત સમય > પ્રતિભા (રાજુલ કૌશિક)

વિદેશમાં  ગુજરાતી સાહિત્ય-સંસ્કૃતિને આગળ ધપાવતાં મહિલા: પ્રજ્ઞા દાદભાવાળા

1 / 1

પ્રજ્ઞાબેન પોતાની સિદ્ધિનો યશ પતિ અને પરિવારને આપે છે

– કેલિફોર્નિયાના બે એરિયા અને હ્યુસ્ટનના સાહિત્યરસિકો સાથે મળીને તેમણે અનેક લેખકોના કાર્યને સંકલિત કરીને ‘સંવર્ધન માતૃભાષાનું’ નામનો મહાગ્રંથ તૈયાર કર્યો, જેમાં વાર્તા, નિબંધ, નવલિકા, નવલકથા, ચિંતન લેખો, ગીત, કાવ્ય, ગઝલ જેવા અનેકવિધ સાહિત્ય પ્રકારો આવરી લીધા છે.

નવગુજરાત સમય > પ્રતિભા (રાજુલ કૌશિક)

બુદ્ધિ, મેધા, અક્કલ, જ્ઞાન, ડહાપણ, સમજશક્તિ, બુદ્ધિશાળી સ્ત્રી…. આ તમામ શબ્દોનોનો એક પર્યાય છે -પ્રજ્ઞા. એવી જ રીતે અનેક સંદર્ભ એક નામ સાથે જોડાય એ નામ છે પ્રજ્ઞા દાદભાવાળા. પ્રજ્ઞાબેન વર્સેટાઈલ-સર્વતોમુખી પ્રતિભા ધરાવે છે.
૧૯૫૭ની સાલમાં રાજકોટમાં જન્મેલી આ બાળાનું નામ પ્રજ્ઞા રાખ્યું એ ક્ષણે જ એની કુંડળીમાં સફળતાના ગ્રહો આવીને ગોઠવાઈ ગયા હશે. મુંબઈની તે સમયની જાણીતી અમુલખ અમીચંદ ભીમજી વિદ્યાલય અને SIES કોલૅજમાંથી ફિલોસોફી અને સાઈકોલૉજિના ભણતરે એમની પ્રતિભા નિખારી. એમણે કાવ્ય રચના લખવાની શરૂઆત કરી જે કુમાર માસિકમાં પ્રગટ થઈ. SNDT યુનિવર્સિટીમાંથી પત્રકારના કોર્સ દરમ્યાન સુરેશ દલાલ, હરિન્દ્ર દવે તેમજ પ્રદીપ તન્ના જેવા પ્રખ્યાત સાહિત્યકારોનો સંપર્ક થયો જેના લીધે એમની વિચારશક્તિને એક નવો આયામ મળ્યો.

સાહિત્યની સાથે સાથે તેમણે સ્વ.દીના પાઠકના માર્ગદર્શનમાં અભિનય શીખવાનું શરુ કર્યું. રેડિયો પર નાટક ભજવ્યા. સંગીત સ્પર્ધામાં પુરુષોત્તમ ઉપાધ્યાયને હસ્તે ઈનામ મેળવ્યું. સાહિત્ય-સંગીત- અભિનય- નૃત્યની સાથે કમર્શિઅલ આર્ટ, ફેશન ડિઝાઈનિંગ અને બ્યુટી પાર્લરનો કોર્સ પણ કર્યો.

૧૯૮૦માં શરદભાઈ દાદભાવાળા સાથે લગ્નગાંઠે બંધાયા પછી મુક્ત વિચારસરણીવાળા પતિ અને પરિવારના સાથને લીધે એમનું વ્યક્તિત્વ, આવડત અને શક્તિ વધુ નિખરતા ગયા. એમના વાચાળ સ્વભાવે વીમા એજન્ટની કારકિર્દીમાં સફળતા અપાવી. ફેશન ડિઝાઈનિંગના કૌશલ્યને કામે લગાડીને ઘરમાંથી જ જાતે ડિઝાઈન કરેલા વસ્ત્રોનું પ્રદર્શન અને વેચાણ શરુ કરીને એમાં પણ સફળતા મેળવી. સાવ જ અલગ જ ક્ષેત્રનું ખેડાણ કરવા માટે જે ખંત જોઈએ એની તો પ્રજ્ઞાબેનમાં ક્યાં ખોટ હતી?
દિકરીઓના જન્મ પછી દિકરીઓ પણ એમના જીવનમાં પ્રગતિ કરે એ ઉદ્દેશથી સહકુટુંબ અમેરિકા આવ્યા. સાવ અજાણી ધરતી, અજાણી સંસ્કૃતિ, સાવ અજાણ્યા લોકો વચ્ચે રહીને પણ પોતાનું સ્વત્વ જાળવવાની મથામણમાં એ પાર ઉતર્યા. સંઘર્ષની શરૂઆતમાં સાવ સાદી સેફ વે ની આઠ કલાકની નોકરીથી શરૂઆત કરીને બેંકની વ્હાઈટ કૉલર જોબ સુધી પહોંચ્યા.

જોબ તો અમેરિકામાં આર્થિક સ્થિરતા માટે જરૂરી હતી પણ અંદરના સાહસી અને સાહિત્યિક જીવને કંઇક નવું કરવું હતું. કેલિફોર્નિયામાં આવીને એમણે વૃદ્ધ નાગરિકોને ઉપયોગી થવા ટ્રેનિંગ લઈને સમાજસેવાની શરૂઆત કરી. આ પ્રવૃત્તિના અનુસંધાનમાં એમણે અમેરિકાના ‘રેડિયો જિંદગી’ પર વાર્તાલાપ આપ્યો જેનાથી વડીલોને જરૂરી માર્ગદર્શન મળે. સમાજસેવાની સાથે સાહિત્યસેવાની જે શરૂઆત કરી એ ગુજરાતી સંસ્થાઓ ‘બે એરિયા ગુજરાતી સમાજ’ અને ‘ડગલો’- Desi American of Gujarati Language Origin’માં પરિણમી. ડગલો દ્વારા ગુજરાતી સાહિત્ય,સંગીત અને ભાષાને જીવંત રાખવાના પ્રયાસની સફળતાએ વિદેશની ધરતી પર સ્વદેશી ભાષા, સંસ્કૃતિને ઉજાગર કરવાના એમના આયાસમાં પતિ શરદભાઈનો સાથ મળ્યો. છેલ્લા નવ વર્ષોથી પ્રજ્ઞાબેન ગુજરાત ગૌરવ દિનની ઉજવણી કરે છે.

૨૦૧૪માં પ્રસ્તુત કરેલા ‘નરસૈયો’ કાર્યક્રમ એમની કલાકુશળતાની સિધ્ધિ હતી. બે એરિયાની ‘પુસ્તક પરબ’ની શરૂઆત કરી એમણે માતૃભાષાનું ગૌરવ કર્યું.કલા-સંગીતને પ્લેટફોર્મ આપ્યું. લગભગ ૨૦૧૪થી મિલપીટાસના ગુજરાતીઓને સાહિત્યમાં રસ લેતા કર્યા એટલું જ નહીં પણ પ્રતાપભાઈ પંડ્યાની પ્રેરણાથી શરૂ કરેલી ‘પુસ્તક પરબ’ની પ્રવૃત્તિને હ્યુસ્ટનના વિજયભાઈ શાહના માર્ગદર્શન હેઠળ એક અલગ સ્વરૂપમાં ઢાળી. નામ આપ્યું ‘બેઠક’. જેમાં એમના પ્રોત્સાહનથી અનેકને કલમ દ્વારા-“શબ્દોના સર્જન” બ્લોગ પર પોતાના વિચારોને વ્યકત કરતા કર્યા અને ‘બેઠક’ના લેખકોના લેખોનું સુંદર રીતે સંપાદન કરીને એમણે એમેઝોન પર ૨૬થી વધુ પુસ્તકો પબ્લિશ કર્યા. દર મહિનાના છેલ્લા શુક્રવારે યોજાતી આ બેઠકમાં પોતાના મૌલિક વિચારો રજૂ કરવાની સૌને તક આપી. બેઠકના સદસ્યો અહીં આવીને સ્વલિખિત રચનાઓનું વાચિકમ કરી શકે એટલો આત્મવિશ્વાસ પ્રજ્ઞાબેને સૌમાં જગાવ્યો. કેલિફોર્નિયાના બે એરિયા અને હ્યુસ્ટનના સાહિત્યરસિકો સાથે મળીને અનેક લેખકોના કાર્યને સંકલિત કરીને લગભગ બાર હજાર પાનાનો ‘સંવર્ધન માતૃભાષાનું’ નામનો મહાગ્રંથ તૈયાર કર્યો જેમાં વાર્તા, નિબંધ, નવલિકા, નવલકથા, ચિંતન લેખો, ગીત, કાવ્ય, ગઝલ જેવા અનેકવિધ સાહિત્ય પ્રકારો આવરી લીધા છે.વિદેશની ધરતી પર આપણી સંસ્કૃતિ, આપણા સાહિત્યનું નામ ઉજાળતા પ્રજ્ઞાબેનના “શબ્દોના સર્જન” બ્લોગ ઉપરાંત “કસુંબલ ગીતોનો વૈભવ”, “સંભારણા” જેવા ય બીજા બ્લોગ છે. મૌલિકતાભર્યા વિચારો ધરાવતા પ્રજ્ઞાબેન અચ્છા વક્તા છે. કોઈ વિષયને લઈને ઊંડી જાણકારી સાથે બોલે એટલી જ સરળતાથી પૂર્વ તૈયારી વગર પણ એ વ્યક્ત થઈ શકે છે. જે વ્યક્તિ સૌને લખતા કરે એનું તો લેખન પર પ્રભુત્વ હોય જ ને? કેનેડાના “ગુજરાતી ન્યુઝ લાઈન”માં “ આ મુંબઈ છે” નામની તેમની કોલમ પણ પ્રસંશા પામી. પ્રજ્ઞાબેનની આ કાર્યસિદ્ધિ ને બિરદાવવા કોંગ્રેસના મેયરે એમને નવાજ્યા છે.

પ્રજ્ઞાબેન આ પ્રયાસોનું કારણ આપતા કહે છે કે આપણા વડીલો અમેરિકા આવ્યા પણ એ સૌનો માતૃભાષા સાથેનો સંબંધ ઓછો થતો ગયો. ભાષા તો એક એવો પટારો છે જેમાં આપણા સાહિત્ય અને સંસ્કૃતિનો ખજાનો જળવાયેલો રહે છે. ભાષા સમાજની સભ્યતા, સંસ્કાર અને સંસ્કૃતિની રખેવાળ છે. વડીલોએ આ વારસો ભાષાની સંદૂકમાં આવતી પેઢી માટે સુરક્ષિત રીતે સોંપતા જવાનું છે. આ માટે જરૂરી છે કે વડીલો પણ પોતાના વિચારોને વાચા આપે. એમની સર્જન શક્તિ ખીલશે તો એમના માર્ગદર્શનથી આગલી પેઢી જાગૃત બનશે. સમૃધ્ધ બનશે.

પ્રજ્ઞાબેન પોતાની સિદ્ધિનો યશ પતિ અને પરિવારને આપે છે. ‘બેઠક’ પરિવારના સદસ્યોને સર્જન કરતા,આગળ વધતા જોઈને એ ગૌરવ અનુભવતા કહે છે,


શબ્દો જ મારું વસિયતનામું
જે છે એ બધું તમારું ન લ્યો તો બધુ જ મારું
શબ્દો તણા છાંટણાથી બે ચાર ક્ષણો હું રંગી જાણું
જીવનને ગમતી ક્ષણોને કંડારી મેં શબ્દોમાં
સાચવશો તો સચવાશે, 
નહીં તો ખાલીખમ છે વસિયતમાં
લ્યો શાહી વિનાના કાગળ પર લખ્યું 
મેં મારું વસિયતનામું

ગુજરાત સમાચારમાં “સંવર્ધન માતૃભાષાનું” સમાચાર ચમકાવતા રાજેશભાઇ શાહ

Gujarati Language Maha Granth appro.12000 pages – might get place in Guinness Book of World Records…GUJARAT SAMACHAR, USA Edition of 20th Dec, 2015 published News on MAHA GRANTH – SAMVARDHAN MATRUBHASHA NU…..
– Rajesh Shah, Press Reporter, Gujarat Samachar, USA Edition.

 

Gujarat Samachar

માણસને ભોંયતળીએ કેવળ દટાઈને રહેવાનો કશો અર્થ નથી આ પુસ્તક, ભોંયતળીએથી અગાસી પર પહોંચવાનો પુરુષાર્થ છે.આ પુસ્તક સંપાદનોમાં અવશ્ય અનોખું થઈને રહેશે, જે ગદ્યના મહાન રસ્તા પર એક મહત્વનું સીમાચિન્હ બની રહેવાનું છે એમાં કોઈ શંકા નથી. સંવર્ધનમાં ગતિ નું પણ મહત્વ છે પહેલાનું સાહિત્ય જાળવાતાની સાથે નૂતન સર્જનનું ઉર્ધ્વગમન પણ થાય તે જરૂરી છે.ભાષા કે સાહિત્યક્ષેત્રે  નિર્માણ કરવા નવા સર્જકો ઉભા કરવા જરૂરી છે. જુના સાહિત્યમાં નવું ઉમેરવું જરૂરી છે વાંચન સાથે સર્જન થાય તો જ ભાષા કેળવાય અને ટકે.આ મહા ગ્રંથ માત્ર રેકોર્ડ બ્રેક પુસ્તક નથી તેમાં છયાસીથી વધુ લેખકની પરદેશમાં ભાષાને જીવતી રાખવાનો પ્રયત્ન છે. એક જાગૃતિ  પ્રતિક છે લોકોનું ધ્યાન આપણી ભાષા તરફ જાય અને વિશ્વ સ્તરે ગુજરાતી ભાષાની ઓળખ આ પુસ્તક છે  એ માત્ર આર્થિક પ્રવૃત્તિ નથી.માત્ર એકવાર નહિ નિયમિત “બેઠક” કે સહિયારા સર્જનમાં નિતનવા વિષય કે વાર્તા પર લખી સર્જકો એ ભાષાને કેળવી છે. એમાં સામાજિક, શૈક્ષણિક અને સાંસ્કૃતિક મૂલ્યો સંકળાયેલાં છે.પુસ્તક એ ભાષાની તાકાત છે  સર્જનાત્મક ગદ્ય ના પણ હોય તો પણ ગદ્ય મૌલિક ગદ્ય તો છે જ,દરેક લેખકનું સાતત્ય આ પુસ્તકનું આકર્ષણ છે. પુસ્તકમાં ગદ્યની રમણીયતા અનેક રીતે વહેંચી છે.આ પુસ્તકમાં મુખ્ય ધ્યાન ખેચે છે. “સહિયારી સર્જકતા” આપણી ભાષાને કેન્દ્રમાં રાખીને શબ્દો અહીં પાંગર્યા છે, પછી એ નવલકથા હોય, નિબંધો, વાર્તા સંગ્રહો, હાસ્ય લેખો, આસ્વાદો, નાટકો, હેતૂલક્ષી પુસ્તકો, પ્રાયોગીક કે નવતર લખાણો, અહી કરેલે  ભાષા સંવર્ધન નાં નવતર પ્રયોગો પણ જેમ કે શબ્દ સ્પર્ધા..છબી એક સંવેદના અનેક અને “તસ્વીર બોલે છે”,જે ઘણા સર્જકોને સંશોધન કરવા પ્રેરશે એમાં કોઈ શંકા નથી .ટુંકમાં અહી લેખકો ક્યારેક રાગની વાત કરે છે તો ક્યારેક વિરાગની ક્યારેક કોઈ કાવ્યમૃતનું આચમન કરાવે છે તો ક્યારેક માનવીના મનને તાગવાનો પ્રયાસ, સર્વત્ર લેખકની નવી દ્રષ્ટિનો અણસાર પરખાય છે.દરેક લેખક શબ્દ અને ભાષામાં જીવ પરોવી પ્રવૃત્ત થયા છે.પછી એને વધાવવાની  જવાબદારી આપણા સૌની છે.

અહેવાલ-શ્રી કૃષ્ણ દવે અને અદમ ટંકારવી સાથે “મહેફિલ” – Nov 16 -2014

બે એરિયામાં ઇન્ડિયા કોમ્યુનીટી સેન્ટર મિલ્પીટાસ ખાતે  (કેલીફોર્નીયામાં)  તારીખ 16મી નવેમ્બર ના ઇન્ડિયાના જાણીતા કવિ શ્રી કૃષ્ણ દવે સાથે અદમ ટંકારવી પાનખરમાં વસંતના વાયરા લઈને આવ્યા .

_DSC0028

_DSC0075

તસ્વીર-(રમેશભાઈ પટેલ,મહેન્દ્રભાઈ મહેતા,રાજેશ શાહ,પ્રજ્ઞા અને શરદ દાદભવાળા,જાગૃતિ શાહ, કલ્પના શાહ.)   
(અદમ ટંકારવી ,દિનેશભાઈ શાહ, કૃષ્ણ દવે)   

“મહેફિલ”

બે એરિયામાં ઇન્ડિયા કોમ્યુનીટી સેન્ટર મિલ્પીટાસ ખાતે  (કેલીફોર્નીયામાં)  તારીખ 16મી નવેમ્બર ના ઇન્ડિયાના જાણીતા કવિ શ્રી કૃષ્ણ દવે સાથે અદમ ટંકારવી પાનખરમાં વસંતના વાયરા લઈને આવ્યા .અમદાવાદના યુવાન,તરવરીયા અને હસમુખા કવિ શ્રી. કૃષ્ણ દવે અને બ્રિટન-બોલ્ટનથી આવેલા પીઢ ગઝલકાર શ્રી. ‘અદમ’ ટંકારવીની રજૂઆતે બે એરીયાના ગુજરાતીઓની હાસ્ય સાથે સંવેદના જગાડી..

સૌથી પ્રથમ શરુઆતમાં, શ્રીમતિ પ્રજ્ઞાબેન દાદભાવાળાએ  કવિતાભીનો આવકાર આપી કાર્યક્રમની શરૂઆત કરી. ત્યારબાદ ડો.દિનેશભાઈ શાહે કાર્યક્રમની રૂપરેખા આપી વાંસળી ડોટ કોમના સર્જક કવિ શ્રી કૃષ્ણભાઈ દવેને આવકારી મહેફિલ નો આરંભ થયો.કશીયે ઔપચારિક્તા વગર સીધેસીધી કવિતાથી જ તેમણે પહેલા સેશનનો પ્રારંભ કર્યો. બુલંદ અવાજ, મસ્તીભરી છટા અને મુક્ત અદાથી આખાયે સભાગૃહને આંગળી પકડાવી કવિતાના આકાશમાં ઉડાન આદરી.

“બારીબારણાં ખોલો જ નહિ તો શું થાય….જેવી કવિતા દ્વારા ગુજરાતીને જગાડ્યા।.. બારણા ખોલવાની જરૂર છે…“આપણે તો આવળ ને બાવળની જાત, ઊગવાનું હોય ત્યારે પૂછવાનું નહિ” ની જેવી અનેક કવિતા દ્વારા  અને ખુબસૂરત રજૂઆત દ્વારા શબ્દે શબ્દે અવનવા ભાવોથી  વિભોર કરી દીધાં સૌએ મનભરીને માણ્યું અને દરેક પંક્તિ પર પ્રક્ષકોએ પોતાનો પ્રતિસાદ આપ્યો હતો..ત્યારબાદ  વૈજ્ઞાનિક કવિ ડો.દિનેશભાઈ શાહએ એક વૈજ્ઞાનિકની નજરે નિરીક્ષણ, પરીક્ષણ, પ્રશ્ન અને પરિણામની પ્રક્રિયામાંથી સર્જાયેલ ‘આગિયાના તેજ’ પર ‘આ આગિયો ઝબકીને ખરતો’ કાવ્ય સંભળાવ્યું અને લાગણી સભર કાવ્યો રજૂ કર્યાં. પોતાના જીવનના અનુભવોનો અર્ક કાવ્યો દ્વારા પ્રગટ કરતાં સુંદર રજૂઆત કરી ને પુરવાર કર્યું કે સંવેદના દરેક મનુષ્યમાં હોય છે .. નાનકડી રેતી માં કવિને કાવ્ય મળ્યું અને તેની સુંદર રજૂઆત પણ કરી દુનિયામાં માણસ ની માણસ તરીકેની શોધ એજ સૌથી મોટી શોધ છે એ વાત ને પુરવાર કરી મહેફિલમાં ત્યાર બાદ અનેક સાહિત્યિક પારિતોષિકો મેળવનાર‘ગુજલીશ’ ગઝલોના રાજ્જા ગણાતા શ્રી અદમભાઈ ટંકારવી સાહેબને આમંત્રણ આપવામાં આવ્યું.  મહેફિલનો દોર તેમના હાથમાં સોપતા એમણે કહ્યું ભીંજાવું એજ કવિતા છે…તેમની ગુજરાતની સનમ, બ્રીટનની સનમ અને અમેરિકાની સનમવાળી ગઝલ પર શ્રોતાઓ ખુબ ખુશ થઇ ગયા હતા. ‘પટેલ અને મોટેલ’ની તેમની જાણીતી હાસ્યપ્રેરક ગઝલ ‘જેટલો મોટેલનો વિસ્તાર છે, એટલો આ આપણો સંસાર છે’  અને ..જાણે અનુભવી કલમ અમેરિકાના ગુજરાતી ને  વર્ણવી ગઈ‘જ્યારે જ્યારે તું હની ખીજાય છે ત્યારે ગ્લોબલ વોર્મીંગ થઈ જાય છે’ અને ‘તું નથી તેનો આ અંજામ સનમ, ગામ પણ લાગતું પરગામ સનમ’ અને હૈયાંને વીંધતી વાત કે ‘ બાઈબલ ખોલું ને સીતા નીકળે અને રામાયણમાંથી ફરિશ્તા નીકળે, ઝેર તો કોઈ બીજું જ પી ગયું ને ખાલી પ્યાલામાંથી મીરા નીકળે’ જેવી રજૂઆત કરી..નેહલ દવે એ ગઝલથી સુંદર રજૂઆત કરી . બીજા દોરમાં પણ આજ રીતે એક પછી એક રજૂઆતે લોકોને હસાવ્યા ,અને ક્યારેક વાસ્તવિકતા એ પ્રેક્ષકને ગંભીર બનાવી વિચારતા કર્યા.. 

  ત્રણે કવિઓને બિરદાવતા પ્રજ્ઞાબેને આભાર વિધિ કરી  અને ફૂલો અર્પણ કરી શુભેચ્છા આપતા કહ્યું કે બે એરિયામાં સાથે મળી આવા કર્યો થાય તો આપણે આપણી માત્રુ ભાષાને અહી જીવાડ્શું। ..પ્રક્ષકો ને ચાહકો વગર આ શક્ય જ નથી તેમજ સાથે કામ  કરવાથી બધા આ કાર્યના નીમ્મિત બનશે.
સમગ્ર પ્રોગ્રામનું સંચાલન “જવનિકા” અને અને બેઠકે સાંભળ્યું તો  રમેશભાઈ પટેલ અને મહેન્દ્રભાઈ મહેતા અને જયશ્રી મર્ચન્ટ મહેફિલનું પીઠ બળ રહ્યા. 

જાગૃતિ એ સમન્વય ની જાહેરાત કરતા કહ્યું કે ગુજરાતી ભાષાના પ્રોગ્રામ માત્ર જૂની પેઢી માટે નથી.પરંતુ બીજીવાર આવશો ત્યારે આ મહેફિલમાં નવી પેઢી પણ હશે આપણે ઉગતી પેઢીને પણ પ્રોત્સાહન આપવું જોઈએ  અને નાસ્તાપાણી સાથે કવિતા વાગોળતા..સૌ છુટા પડ્યા.  


 krushna daveબે ઘડી વાતો કરી, દિલને બહેલાવી અમે નીકળી ગયા,            કોઇ સંગ ના જઈ શક્યું ને અમે નીકળી ગયા….
 

અહેવાલ:પ્રજ્ઞા દાદભાવાળા
તસ્વીર :રઘુશાહ  
સાઉન્ડ :દિલીપભાઈ શાહ
ફુડ :નીલેશ શાહ-સતીશ રાવલ ( Chatbhavan)
પ્રસારણ -રાજેશ શાહ 
આયોજક -‘જવનિકા” અને “બેઠક”
પ્રોગ્રામનું બળ -રમેશપટેલ ,મહેન્દ્ર મહેતા ,જયશ્રી મર્ચન્ટ

જાહેરાત-આ મહિનાના વિષયો

આ મહિનાનો “બેઠક”નો વિષય
-“ના હોય”- 

email  to -પ્રજ્ઞા દાદભાવાળા-સમય મર્યાદા-27 November 2014 

બેઠકની રજૂઆત માટે સમય મર્યાદા પણ શબ્દોના સર્જન માટે 1500 શબ્દો 

(હ્યુસ્ટન-સાહિત્ય સરિતા)
“પ્રભુ જ્ઞાની જીવન દે” -પ્રવીણા કડકિયા- 
“આધ્યાત્મ એજ ઉત્થાનની સીડી” -હેમાબહેન પટેલ​-

આ બધા લેખો સહિયારા સર્જનમાં સાથે જ છે. 

આપના લેખો મોકલવાનું ઇ મેલ અડ્રેસ
વિજય શાહ ૨૮૧-૫૬૪-૫૧૧૬ vijaykumar.shah@gmail.com
પ્રવીણા કડકિયા ૭૧૩-૬૩૬-૯૩૩૯ pravina_ avinash@yahoo.com
હેમાબહેન પટેલ ૨૮૧-૮૫૮-૫૨૨૪ hemap920@gmail.com
પ્રજ્ઞા દાદભાવા ૪૦૮-૪૬૫-૩૯૬૧ pragnad@gmail.com

આપના લેખો મોકલવાનું ઇ મેલ અડ્રેસ :sahiyarusarjan@gmail.com

અમારી આપ સૌને આગ્રહ ભરી વિનંતી કે તારીખો સાચવજો કે જેથી પુસ્તક પ્રસિધ્ધ કરવા પહેલાની પ્રક્રિયાઓ ના ખોરંભાય

 

આપ સૌને  વિનંતી
  • આપ શક્ય હોય ત્યાં સુધી સંશોધન કરી લેખ લખજો લાઇબ્રેરી અને ગુગલ સૌથી મોટા સંદર્ભ સ્થાન છે. આપણે લોક્ભોગ્ય લખાણ ઉપરાંત વાચક થોડુંક ચિંતન કરે તેવું પીરસવા માંગીયે છીયે
  • વિષય વૈવિધ્ય જાળવવા પાછળ મુખ્ય હેતૂ છે આપ સૌની લેખિનિ ને વિકસાવાની તક મળે.
  • નિબંધમાં ગઝલ અને કહેવતોનો ઉપયોગ બહુધા કરવાથી લેખ વધુ વંચાય છે અને રસ પ્રદ બને છે..
  • નાનક્ડા પ્રસંગો અને બોધ કથાઓ પણ નિબંધમાં આજ રીતે પ્રયોજી શકાય.
  • આપ અત્રે સુચવેલા દરેક લેખ ઉપર લખી શકો છો.
  • કસોટી ત્યારે થતી હોય છે જ્યારે લેખને આપણે ૧૫૦૦ શબ્દોની મર્યાદામાં બાંધીને લખીયે
આપના લેખો ટાઇપ કરીને મંગાવવાનું મૂળ કારણ છે આપ પણ ગુજરાતી ટાઇપ કરો. કરાવો તો જ આવનારી પેઢી ને વિદ્યા દાન છે

અહેવાલ -શુભેચ્છા સહ -10/31/2014​

“ઇન્ડિયા કોમ્યુનીટી  સેન્ટર કેલીફોર્નીયા ખાતે  મળેલી ગુજરાતી “બેઠક” શુભેચ્છા થી વરસાદ સાથે  છલકાણી..દિલની અંદર શુભેચ્છાના ભાવો જાગૃત થયા​,​વિચારો શુભેચ્છા બની શબ્દ્સ્વરૂપે ઝરમર વરસાદમાં ટપક્યા અને “બેઠક” લીલીછમ થઇ.  

 Presentation1
 (​ફોટો- રઘુભાઈ શાહ,-અહેવાલ -પ્રજ્ઞા દાદભાવાળા)

 તારીખ 31મી ઓક્ટોબર ઇન્ડિયા કોમ્યુનીટી સેન્ટર મિલ્પીટાસ ખાતે મળેલી “બેઠક”માં “શુભેચ્છા” વિષય જાણે સંવેદના જગાડી.બેઠકની શરૂઆત સરસ્વતી વંદના કુંતાબેને ગાઈ​ને ​કરી, જયશ્રીબેન મર્ચન્ટ નો કાર અકસ્માત થયો હોવા છતાં એમણે ફોન પર વાત કરી બધાને અભિનંદન પ્રેક્ષકોને આપ્યા તો બધાએ   તેમની તબિયત માટે સ્વાસ્થય સારું રહે તેવી શુભેચ્છા પાઠવી.  દિનેશભાઈ શાહએ  ફ્લોરીડા થી બેઠકના દરેક સર્જકોને વધાવ્યા, તો કવિ કૃષ્ણ દવે એ પણ ફોન પર બધાને શુભેચ્છા આપી સાથે એમની જ કવિતાની બે પંક્તિ ઓ સંભળાવી ને પ્રેક્ષકોને ખુશ કરી દીધા..પ્રજ્ઞાબેને “બેઠકે  માં ભાષા પ્રેમીઓએ લેખક, વાંચક, પ્રેક્ષક અને કલાકાર વચ્ચે કડી થવાનો એક નૂતન સંનિષ્ઠ પ્રયત્ન  લોકોને ગુજરાતી ભાષાના પ્રેમ થકી કર્યો છે. પણ આજે ભાષા અને શબ્દો કરતા દરેક વ્યક્તિની અંદરની સંવેદનાએ બધાને વરસાદની મોસમમાં ભીજવી દીધા વધારમાં પૂરું બેઠકના ખાસ મહેમાન અરવિંદભાઈ દેસાઈ જે ભારત થી આવ્યા હતા તેમણે એક સુંદર વાત કહી કે મારી દીકરી જાગૃતિ અહી મારાથી ઘણી દુર છે પણ બેઠકમાં આવતી  દરેક વ્યક્તિ માબાપની જેમ મારી દીકરીને શુભેચ્છા આપીને આગળ વધવાનું બળ આપો છો તે માટે મારી પાસે શબ્દો નથી , “શુભેચ્છા સહ” વિષય પર આજે  બેઠકના દરેક વ્યક્તિ કૈક બોલ્યા,  બેઠકમાં એક પછી એક રજૂઆત ખુબજ હૃદય સ્પર્શી રહી કોઈએ સ્વાનુભવ તો કોઈએ દ્રષ્ટાંત આપી શુભેચ્છા આપી.આમ માત્ર વિષય ન રહેતા લાગણીઓ જાણે વરસાદની જેમ વરસી ઉષાબેને આંશુથી શુભેચ્છા આપી .સૌથી મોટી વાત બધાએ રજૂઆત પોતાની માતૃભાષામાં કરી..આમ હૃદય માંથી સ્ફુરેલા શબ્દો થકી સૌએ શુભેચ્છા વિષય પર બોલી એક બીજાને શુભેચ્છા આપી….કલ્પનાબેને અંતમાં એક સુંદર વાત કહી કે”શુભેચ્છા સહ” કોઇ વાણી, વિચાર કે વસ્તુની આપ-લે થાય તો તમારૂં હ્રદય લીલુંછમ બની જાય છે.  શુભેચ્છાનાં વરસાદમાં છત્રી ના જોઇએ. તેમાં પલળવાનું, ભીંજાવાનું મન થાય. તો ચાલો, આપણે સૌ એકબીજા માટે શુભેચ્છાઓનો વરસાદ વરસાવતા રહીએ . . રાજેશભાઈ એ એક ફૂલ​ના ​ગુચ્છા નું ​દ્રષ્ટાંત આપીસુંદર વાત કરીકે કોઈ શુભેચ્છા આપે છે ત્યારે તે પ્રેરણાનું બળ બને છે.પ્રજ્ઞાબેને કહ્યું..જાગૃતિ કોઈ વિષય પર બોલતી નથી પણ બેઠકનું બળ છે.એજ શુભેચ્છા ભર્યો ફૂલનો ગુચ્છો જાણે ..  જાગૃતિની પાવભાજી અને પ્રજ્ઞાબેન ની ફાડા લાપસી સાથે દર્શનાબેન ના  ફળ થી લોકોએ દિવાળી અન્નકોટ જેટલો આનંદ મેળવ્યો અંતમાં એક સુંદર શ્લોકથી બેઠકની પુર્ણાહુતી  કરી..

સર્વે ભવન્તુ સુખીન:, સર્વે સન્તુ નિરામયા:

        સર્વે ભદ્રાણી પશ્યન્તુ, મા કશ્ચિદ્‍ દુ:ખમાપ્નુયાત્।      

( food sponsor by Jagruti)

લીમ્કા બુક ઓફ રેકોર્ડ

લીમ્કા બુક ઓફ રેકોર્ડમાં વિજય શાહની નોંધ લેવાઇ

રાજેશ શાહ

 photo 4

લીમ્કા બુક ઓફ રેકોર્ડ- ૨૦૧૫માં સહિયારા સર્જનના ૨૫ સર્જનો પુરા થયાં તેને સ્વિકૃતિ આપી અને આ રીતે સ્થાપિત થયેલાં રેકોર્ડની અને સાહિત્યકાર સર્જક શ્રી વિજયભાઈ શાહની સિધ્ધિઓની નોંધ લઈ લીમ્કા બુક ઓફ રેકોર્ડ- ૨૦૧૫ની જાહેરાત થઇ જેને સમગ્ર વિશ્વના સાહિત્યપ્રેમીઓ અને ગુજરાતી ભાષા રસિકોએ ગર્વપૂર્વક વધાવી લીધી છે.
‘સહિયારું સર્જન’ અન્વયે ૨૦૧૧ થી ૨૦૧૪ના વર્ષ દરમ્યાન ગુજરાતી ભાષા- સાહિત્યના ૨૫ સર્જનો પુરા થતાં નવા લેખકો ગુજરાતી સાહિત્ય જગતમાં પ્રવેશ્યા અને ભાષા કસબ અજમાવી ચુકેલા લેખકો લેખનક્ષેત્રે વધુ સમૃધ્ધ થઈ. નવા સર્જનો કરી ઝળકયાં આ હકિકત સર્વે લેખક મિત્રોનો ગુજરાતી ભાષા પ્રત્યેનો સ્નેહ અને આદર વ્યકત કરે છે.લીમ્કા બુક ઓફ રેકોર્ડ- ૨૦૧૫માં ૨૫ પુસ્તકો અને તેના લેખકોની નોંધ લેવાઈ અને આવા ઉત્તમ સર્જનાત્મક કાર્યને બીરદાવી એવોર્ડ જાહેર થયો.સહિયારું સર્જનના પુસ્તકો અને તેના લેખકોનું કોલાજ પ્રજ્ઞાાબેન દાદભાવાલાએ તૈયાર કરી આપ્યું તેની પણ નોંધ લેવાઇ છે.
વ્યકિતગત આનંદ તે સહિયારો આનંદ બની જાય છે. અને ત્યારે જ સહિયારું સર્જન દ્વારા શબ્દ અને સર્જન બંને શોભી ઉઠે છે.

જય હો….news

તા. ૧૧ ઓક્‍ટોબર ૨૦૧૪ વિક્રમ સવંત ૨૦૭૦ આસો વદ – ૩ શનિવાર

Registration | Login
‘‘સહિયારુ સર્જન” : US માં હયુસ્‍ટન ખાતેની ગુજરાતી સાહિત્‍ય સરિતામાં શરૂ થયેલ પ્રયોગાત્‍મક સર્જનમાં ૨૫ સર્જનોનો રેકોર્ડ : ‘‘લીમ્‍કા બુક ઓફ રેકોર્ડ ૨૦૧૫” માટે શ્રી વિજય શાહના નામે અંકે થયો : ૩૫ જેટલા નવોદિત તથા સિધ્‍ધહસ્‍ત લેખકોના નવતર સર્જન પ્રકારને લીમ્‍કા બુકમાં સ્‍થાન મળ્‍યાની સિધ્‍ધિ : જય હો….

‘‘સહિયારુ સર્જન'' : US માં હયુસ્‍ટન ખાતેની ગુજરાતી સાહિત્‍ય સરિતામાં શરૂ થયેલ પ્રયોગાત્‍મક સર્જનમાં ૨૫ સર્જનોનો રેકોર્ડ : ‘‘લીમ્‍કા બુક ઓફ રેકોર્ડ ૨૦૧૫'' માટે શ્રી વિજય શાહના નામે અંકે થયો : ૩૫ જેટલા નવોદિત તથા સિધ્‍ધહસ્‍ત લેખકોના નવતર સર્જન પ્રકારને લીમ્‍કા બુકમાં સ્‍થાન મળ્‍યાની સિધ્‍ધિ : જય હો....

 

         (દિપ્તીબેન જાની દ્વારા) : ન્‍યુજર્સી : અમેરિકામાં હ્યુસ્‍ટન ખાતેની ગુજરાતી સાહિત્‍ય સરિતામાં શરૂ થયેલ પ્રયોગાત્‍મ સહિયારુ સર્જનમાં ૨૫ સર્જનોનો રેકોર્ડ (નવકથા, કાવ્‍ય, સંગ્ર, તથા નિબંધો) લીમ્‍કા બુક ઓફ રેકોર્ડ ૨૦૧૫ માટે શ્રી વિજય શાહના નામે નોંધાયો.

         કુલ ૩૫ જેટલા નવોદિતો તથા સિધ્‍ધહસ્‍ત લેખકો દ્વારા થયેલ આ નવતર સર્જન પ્રકારને ‘‘લીમ્‍કા બુક ઓફ રોકોર્ડ” માં સ્‍થાન તે માનનીય સિધ્‍ધી છે.

         લીમ્‍કા બુક ઓફ રેકોર્ડમાં શ્રી વિજયભાઈ શાહનું નામ જે કાર્યમાં જાહેર થયુ તે સહિયારુ સર્જનના પુસ્‍તકો તથા લેખકોનું કોલાજ સુશ્રી પ્રજ્ઞાબહેન દાદભાવાલાએ બનાવી આપ્‍યુ હોવાથી તેમનો આભાર માનવામાં આવ્‍યો છે. તેવું શ્રી વિજયભાઈ શાહની યાદીમાં જણાવાયુ છે.

         ભારતમાં પુસ્‍તક પ્રકાશકોની પૂછપરછ આવકાર્ય હોવાનું જણાવાયુ છે.

વાર્તા સ્પર્ધા-Bethak -Varta-Spardha-2014

લેખકોને પોતાની આગવી સર્જનશક્તિને વિશાળ વાચક સમુદાય પાસે મૂકવાનું એક માધ્યમ મળી રહે અને તેમનું લેખન-કાર્ય યોગ્ય દિશામાં વિકસિત થાય તેવા હેતુથી 
“બેઠકે” એક વાર્તા સ્પર્ધાનું આયોજન કરેલ છે .
કેલીફોર્નીયાના સર્જક અને વાચકમિત્રોને આ સ્પર્ધામાં ભાગ લેવા ભાવભર્યું આમંત્રણ છે.સ્પર્ધાના દાતા અને નિર્ણાયકોનો નામ જાહેર કરવામાં આવશે નહિ.
વિષય :”હાશકારો”
પ્રથમ ઇનામ -$151
બીજું ઇનામ -$101
ત્રીજું ઇનામ -$75

સ્પર્ધાના નિયમો :

[1] વાર્તા સ્પર્ધામાં કોઈ  પણ કેલીફોર્નીયામાં રહેતી વ્યક્તિ ભાગ લઈ શકે છે. આ સ્પર્ધામાં જોડાવવા માટે કોઈ પણ પ્રકારની ફી કે નોંધણીની જરૂરિયાત નથી. માત્ર સ્પર્ધકે નક્કી કરેલી સમય મર્યાદામાં પોતાની કૃતિ મોકલવાની રહે છે. ચાલુ વર્ષે વાર્તા સ્વીકારવાની છેલ્લી તારીખ : નવેમ્બર ની 28મી ૨૦૧૪ છે.

[2] આ સ્પર્ધા, કલીફોર્નીયા , પુરતી ન રાખતા એ મર્યાદાને અહીં થોડીક ખોલી આપી છે,અને હ્યુસ્ટન સાહિત્ય સરિતાના સર્જકોપણ ભાગ લઇ શકશે

[3] વાર્તા મૌલિક અને અપ્રગટ હોવી જોઈએ. વાર્તા 15૦૦ થી 2૦૦૦ શબ્દો વચ્ચે હોવી જોઈએ.

[4].આત્મકથાત્મક ,​વ્યક્તવ્ય ​, કે નિબંધ પ્રકારની કૃતિઓ અસ્વીકાર્ય ગણાશે. વાર્તા એ અહેવાલ પણ નથી,માત્ર ‘ટૂંકી વાર્તા’નું સ્વરૂપ જ સ્વીકાર્ય ગણાશે.

[5] વાર્તા જોડણી સુધારી,ટાઈપ કરીને ઈ-મેઈલથી મોકલવાની રહેશે, (કૃપયા હસ્તલિખિત વાર્તા સ્કેન કરીને મોકલવી નહીં) ઈ-મેઈલથી વાર્તા મોકલનારે Word Document Format માં જ વાર્તા મોકલવી. વાર્તા જે ફોન્ટમાં ટાઈપ કરી હોય તે ફોન્ટ ઈ-મેઈલ સાથે એટેચ કરવા જરૂરી છે. વાર્તાની શરૂઆતમાં પ્રથમ પાને સ્પર્ધકનું નામ, સરનામું, ફોન-નંબર લખવા અત્યંત જરૂરી છે. આ માહિતીના અભાવમાં વાર્તા સ્વીકાર્ય ગણાશે નહિ. વિશેષમાં, ઈ-મેઈલથી વાર્તા મોકલનારે ઈ-મેઈલ કરતી વખતે Subjectમાં Bethak -Varta-Spardha-2014 લખવું.

[6] સ્પર્ધામાં મોકલેલી વાર્તા અન્યત્ર મોકલી શકાશે નહિ. સ્પર્ધામાં વિજેતા થયેલી વાર્તાઓને પ્રકાશિત કરવાનો હક બેઠક અને શબ્દોનાસર્જન નો રહેશે. તેમ છતાં, વિજેતા થયેલી વાર્તા જો સાહિત્યિક સ્વરૂપને અનુરૂપ હશે તો જ પ્રકાશિત કરવામાં આવશે. કોઈ એક ક્રમાંક માટે જો એકથી વધુ કૃતિ વિજેતા નીવડે તો દરેક સ્પર્ધકને ઈનામ સરખે ભાગે વહેંચી આપવામાં આવશે.

[7] સ્પર્ધાના પરિણામ માટે નિર્ણાયકોનો નિર્ણય આખરી ગણાશે અને તે સર્વ સ્પર્ધકોને બંધનકર્તા રહેશે.બેઠક, શબ્દોનાસર્જન તથા તેના સંપાદક જવાબદાર રહેશે નહિ.

વિષય :”હાશકારો” ​

સ્પર્ધાની શરૂઆત : તા. 1 લી ઓક્ટોબર ૨૦૧૪

વાર્તાઓ સ્વીકારવાની છેલ્લી તારીખ : 28મી નવેમ્બર  ૨૦૧૪

સ્પર્ધાનું પરિણામ : તારીખ ટૂંકમાં જાહેર થશે(.જાન્યુઆરીમાં રહેશે )

વાર્તા કેવી રીતે મોકલશો ?

bethak2014@gmail .com-અહીં મોકલશો ​

​અભિનંદન -કલ્પનારઘુ

મિત્રો ,
એક આનંદની વાત જણાવતા મને ખુબ ગર્વ થાય  છે કે  આપણા બેઠકના કલ્પનાબેન રઘુ શાહ એ એક સુંદર અહેવાલ લખવાનો પ્રયત્ન કર્યો છે અને એ ની સફળતા મને  છાપામાં વાંચ્યા પછી દેખાણી  છે ,કહેવાનો મતલબ એ છે કે માનવી પોતામાં વિશ્વાસ રાખે તો કલમ એની તાકાત આપ મેળે દેખાડે છે આજ સુધી માત્ર તમે એના લેખો વાંચ્યા છે હવે અહેવાલ વાંચશો  …નીચે જન્મભૂમિમાં આવેલ અહેવાલ મુકેલ છે તો મિત્રો કલ્પનાબેનના આ કાર્યને વધાવી અભિનંદન આપીએ  

“બેઠક”અને “સહિયારા સર્જનનાં પ્રયોગ” નો ઓગષ્ટ મહીનાનો વિષય

બેઠક”નો  ઓગષ્ટ મહીનાનો વિષય છે
“અરર”ઘણા મિત્રો ને થશે ….. “અરર” ..આતે કેવો વિષય  પરંતુ  “”અરર”” અનેક   રીતે વાપરી શકાય છે જેના દાખલા મેં નીજે આપ્યા છે। ..બસ કલમ ઉપડો અને લખવા માંડો બોલવાના હો તો 400- 450 અને માત્ર લખી મોકલશો તો લાંબો પણ ચાલશે   
લેખ મોકલવાની છેલ્લી તારીખ  ૨૪ ઓગષ્ટ ૨૦૧૪
જૂનાં સ્મરણ મીઠડાં અરર ઘોળવાનાં રહ્યાં !-વિષય 
અરર, શું જમાનો આવ્યો છે-વિષય
અરર અરર, આ તો ગજબ થઈ-વિષય 
અરર! કેવો ભયંકર દિવસ.-વિષય
અરર….! સાહેબ…! શુ લખુ કોઈ સમજ પડતી નથી,.વિષય
અરર,  ખૂબ ખરાબ થયું  –વિષય
“અરર..અને હાય..હાય..કેટલું બધું  
અરર-કેવો-ભયંકર-દિવસ 
અરર, મને આ શું થઇ ગયું?’

  1. ડાળી પર કોયલ ને કોયલના ટહુકા ને ટહુકામાં પ્રિત ના ધરાણી
    અરર બાઈ રે કેવી નવાઈ, હું તો ટહુકે હણાઈ પરભારી
  2. વાસંતી વાયરા એ મારી જ્યાં ફૂંક ત્યાં તો શ્વાસોના ધણ ઊડ્યા ફરર..
  3. ઘાંઘી થઈ ધબકારા ઝાલું ન ઝાલું ત્યાં છૂટ્યા ધબ્બાક દઈ અરર
  4. અરર ! વાંક થયો મુજ ! શું, કહો !

******************************************************

સહિયારા સર્જનનાં પ્રયોગ નો ઓગષ્ટ મહીનાનો વિષય છે

વરિષ્ઠ નાગરિકનું સુખ- હકારત્મક “અભિગમ

આપનો લેખ ૨૪  પહેલા મોકલો…..આપના સ્નેહીઓમાં જેમને ગદ્ય લેખનમાં રસ હોય તેમને પણ જાણ કરવા વિનંતી

શબ્દ સીમા: લઘુત્તમ ૫૦૦ શબ્દો-મહત્તમ ૨૦૦૦

 લેખ મોકલવાની છેલ્લી તારીખ  ૨૪ ઓગષ્ટ ૨૦૧૪

 લેખ મોકલવાનાં ઇ મેલ એડ્રેસ

vijaykumar.shah@gmail.com

hemapatel920@gmail.com

pravina_avinash@yahoo.com

pragnad@gmail.com

આભાર-

વિજય શાહ, હેમાબહેન પટેલ , પ્રવીણાબહેન કડકિયા તથા પ્રજ્ઞાબહેન દાદભાવલા