પ્રજ્ઞાબેન દાદભાવાળાનો પરિચય

શ્રીમતિ  પ્રજ્ઞાબેન દાદભાવાળા વિદેશની ધરતી પર ભારતના પારંપારિક સાંસ્‍કૃતિ પારિવારીક સંસ્‍કારોને અવિરત ધબકતું રાખતા કેલીફોર્નીયામાં  “પુસ્તક પરબ “ડગલો” અને “બેય એરિયા ગુજરાતી સમાજ” “બેઠક”આ ત્રણે સંસ્થાઓમાં ખૂબ જ મહત્વનો સક્રિય ભાગ ભજવી રહ્યા છે.વાંચન સાથે સર્જન દ્વારા માતૃભાષાનાં સંવર્ધનના અભિયાનમાં “બેઠક”અનેક પ્રવૃત્તિ દ્વારા પોતાનું યોગદાન આપી રહી છે,પોતે લખી કલમને કેળવે છે. છે.એમના લખાણની મૌલિકતા અને સાતત્ય લોકોનું ધ્યાન ખેંચે છે. પોતે “શબ્દોનું સર્જન”  “કસુંબલ ગીતોનો વૈભવ”, “સંભારણા”  જેવા બીજા  અનેક બ્લોગ પણ ચલાવે છે.  કેનેડાના “ગુજરાતીન્યુઝ લાઈન” માં “આ મુંબઈ છે” ની કોલમ દર અઠવાડીએ લખી છે.તેમજ  “બેઠક”ના સર્જકોના કાર્યને સંકલન કરી એમેઝોન પર સંપાદક તરીકે છવ્વીસથી વધુ બુક પબ્લીશ પણ કરી છે. ગુજરાતની કળા અને સંસ્કૃતિને પરદેશમાં લીલીછમ રાખવાનો એમનો પ્રયત્ન હજુ પણ ચાલુ છે, બારહજારથી વધુ પાનાંનો  “મહાગ્રંથ”ની સહિયારી સર્જકતા દ્વારા ગુજરાતી ભાષાને વિશ્વના સ્તરે મુકવાનો “બેઠક”નો સહિયારો પ્રયત્ન ખુબ નોથનીય છે.. આમ સર્જન સાથે ગુજરાતી ભાષાની અસ્મિતાને જાળવવાનું અને  ભાષાને ધબકતી રાખવાનું ખુબ જ અભિનંદનીય કાર્ય બે એરિયા કેલીફોર્નીયામાં પ્રજ્ઞાબેન દાદભાવાળા બેઠકમાં કરી રહ્યા છે.આ સિવાય ભારતીય સિનીયર સિટીઝનને મદદ પણ કરે છે.વિખુટી પડેલી માતૃભાષા ને પરદેશમાં અક્ષરદેહ આપી જણસની જેમ સાચવે છે.જે માટે કોંગ્રેસમેને,મેયરે તેમજ સિટીએ એમના કાર્ય માટે નવાજ્યા પણ છે.આમ સર્જન સાથે ગુજરાતી ભાષાની અસ્મિતાને જાળવવાનું અને  ભાષાને ધબકતી રાખવાનું ખુબ જ અભિનંદનીય કાર્ય બે એરિયા કેલીફોર્નીયામાં પ્રજ્ઞાબેન કરી રહ્યા છે.

 પ્રજ્ઞાબેન કહે છે કે આપણા વડીલો અમેરીકામાં આવ્યા તો ખરા પરંતુ ત્યારબાદ ગુજરાતી ભાષા સાથે નાતો જાણે છૂટી ગયો  ભાષાની અભિવ્યક્તિ જાણે ખોવાઇ ગઇ છે. ભાષા એક પટારો છે, જેમાં સંસ્કૃતિનો ખજાનો સચવાઇને રહે છે. સમાજની સભ્યતા, સંસ્કાર અને સંસ્કૃતિની રખેવાળ ભાષા છે. આપણો અમૂલ્ય સાહિત્યનો વારસો ભાષાએ સાચવ્યો છે. અને વડિલોએ પછીની પેઢીને એ વારસો ભાષાની સંદૂકમાં સુરક્ષિત સોંપવાનો છે તો તેને સાચવવી જોઇએ અને વડિલોને પ્રત્સાહન આપી તેમના અનુભવનો નિચોડ લોકો સમક્ષ મૂકવો જોઇએ તેમજ તેમની સર્જનશક્તિ ખીલવવી જોઇએ .” આમ તેઓએ નિઃશબ્દ બનેલા ગુજરાતી વડીલોને વાચા આપી જાગૃત કર્યા છે.

ICC, મીલપીટાસમાં શ્રી પ્રતાપભાઈ પંડ્યાના પ્રેરણાથી શરુ કરેલી”પુસ્તક પરબ”ને હ્યુસ્ટનના વિજય શાહના માર્ગદર્શન હેઠળ “બેઠક”માં ફેરવવાનુ ગૌરવવંતુ કાર્ય ‘બેઠક’ના આયોજક પ્રજ્ઞાબેને કર્યુ છે. આ સર્જનમાં વાંચન, લેખન, વકૃત્વ કળા, વાર્તા, નિબંધો, ગઝલ, સંગીત, અભિનય, વિગેરેનો સમાવેશ કરીને ગુજરાતી ભાષાને સમગ્ર વિશ્વમાં વહેતી રાખીને ‘બેઠક’ના તમામ સર્જકોને ગીનીસ બુકના દ્વારે પહોંચાડવાના ભગીરથ પ્રયત્નમાં સફળ નિવડ્યા છે..

એટલું જ નહીં, તેઓએ બૅ એરીયાના બાળ કલાકારોની કલાને “નરસૈયો” કાર્યક્રમ દ્વારા પ્રકાશમાં લાવ્યા હતા,નવી યુવાન પેઠીને ભાષા અને સાહિત્ય પ્રત્યે આકર્ષવા બેઠકે રંગમંચ ની સ્થપના કરી છે. જેમાં નાટય પ્રવૃત્તિ દ્વારા ગુજરાતી સાહિત્ય અને કલા પીરસે છે પોતે નાટક લખે છે.અભિનય પણ કરે છે. બેઠક રંગમંચ થકી અનેક નવા સર્જકો અને કલાકારોનો જન્મ થયો છે.અનેક શિક્ષકોના માર્ગદર્શન થકી ખરા અર્થમાં બેઠકને એક પાઠશાળા બનાવીને દરેક સર્જકોનાં સર્જનને એક “મા”ની જેમ કાળજી લઇને વિશ્વ સમક્ષ તેમના બ્લોગ દ્વારા અને આ મહાગ્રંથ દ્વારા રજૂ કરવામાં તેમનો ફાળો અણમોલ રહ્યો છે.આમ સાહિત્ય ક્ષેત્રે તેમના યોગદાનને “બેઠક” તેમજ સમગ્ર ગુજરાતી પ્રજા બિરદાવે છે.તેઓ તેમની સમગ્ર સિધ્ધિ માટે તેમના જીવન સાથી શરદ દાદભાવાળા, તેમની બન્ને દિકરીઓ અને બન્ને જમાઇને યશ આપે છે અને નમ્રતાપૂર્વક કહે છે હું તો નીમ્મિત માત્ર છું.બધાને સર્જન કરતા અને આગળ વધતા જોઈ આનંદ અને ગર્વ અનુભવું છું. “બેઠક”પરદેશમાં ભાષાપ્રેમી ગુજરાતી માટે જીવનને પુષ્ટ કરતુ પરિબળ બને,અને માતૃભાષાના સંવર્ધન અને વિકાસનો એક પ્રયત્ન પણ બની રહે તો મને એક નીમ્મિત થયાનો સંતોષ જરૂર થશે.

કલ્પના રઘુ 

શબ્દો  જ મારું  વસિયતનામું
જે છે એ બધું તમારું
ન લ્યો તો બધુજ  મારું

શબ્દોતણા છા ટ ણાથી
બે ચાર ક્ષણો હું રંગી જાણું

જીવનની ગમતી ક્ષણોને
કંટારી મેં શબ્દોમાં
સાચવશો તો સચવાશે.
નહીતો ખાલી ખમ છે વસિયતમાં

લ્યો શાહીવિનાના કાગળ પર
લખીયું મેં મારું વસિયતનામું

(આશા છે આમાં રહેલી ક્ષતિઓને સમભાવે નિભાવી/સુધારી લઈ પ્રોત્સાહિત કરશો.સ્નેહાળ સુચનો અવશ્ય આવકાર્ય છે.)

-પ્રજ્ઞા દાદભાવાળા

            પ્રજ્ઞા  પીરસે  પ્રેરણા  ને પ્રોત્સાહન  પ્રસાદ  દેતી જાય

           બેઠક નામે સર્જન સરોવર  ,સહુને  એમાં  ડૂબાડતી જાય

         ભર્યું  હોય જે તમ  બુદ્ધિમાં , શબ્દો થકી   સરકાવતી   જાય

        હાથ પકડી  ને સહુનો,   સાહિત્ય નું સર્જન કરાવતી  જાય

        લખ્યો  ના હોય કાગળ  કદી ,   ને અહી વાર્તાઓ લખતો જાય

        હરેક ના હૈયા માં  લેખક  થવાનો , અવસર   આપતી  જાય

        બેઠક  છે  પ્રેરણા  ની પરબ, ને કલમ   મોટી  થાતી  જાય

        આવે જે એક વાર  અહીં , કાયમ નો તરસ્યો  થતો  જાય

      પરદેશ માં  માતૃભાષા ની મોટી સેવા , પ્રજ્ઞા  કર્મ કરતી જાય

     બેઠક માં    મળે  સઘળા   ત્યારે , આનંદ  ઉમંગ  ઠાલવતી   જાય  

    ભાવ હૈયા  નો, ને શબ્દો કલ્પના ના , એમાં  સર્જન  થાતું   જાય

    કલમ  ને પકડો  મનોબળ  થી ,તો સરસ્વતી   કૃપા થાતી   જાય

     ચાલો   કરીએ  જયજયકાર    પ્રજ્ઞા નો ,ને હાથ  જોડાઈ  જાય

  જિગીષા ,દર્શના ,અલ્પ ,વસે   તો આપણા થી  પણ લખાઈ  જાય

  મેઘાણી  , મુન્શી, દવે ને રશ્મિ  ,સ્વર્ગ માં  થી  આશિષ   દેતા  જાય

હોય એક  પ્રજ્ઞા  દરેક નગર  માં ,તો અમને  પરમ શાંતિ  થઈ  જાય

                                            ૐ માં  ૐ

હેમંત   વી    ઉપાધ્યાય  

           

હેમંત   વી    ઉપાધ્યાય  

પ્રજ્ઞાબેનની વધુ વિગત અમુક બ્લોગ અને વેબસાદ પર મુકેલ છે

1. મારા વિષે થોડું……http://www.forsv.com/samelan/ ,
2. http://www.pratilipi.com/prgna-dadbhavala
3. https://gujaratisahityasangam.wordpress.com/
4. http://www.pratilipi.com/author-interview/5071915286790144
5. https://sureshbjani.wordpress.com/2015/07/20/pragna/
6. https://vinodvihar75.wordpress.com/2015/07/20/749-
7. https://nabhakashdeep.wordpress.com/2015/07/21/
8. https://piyuninopamrat.wordpress.com/2015/07/27/