સંવેદનાના પડઘા-૩૮ આમ્રપાલી

આમ્રપાલી દરેક વાર તહેવાર પર સવારે મંદિરે દર્શન કરવા જતી. આજે દિવાળી હતી એટલે તે દર્શન કરવા મંદિરના પગથિયાં ચડી રહી હતી.આછી ગુલાબી રંગની રૂપેરી જરી બોર્ડરની લગડીપટાની સાડી સાથે જામેવરમનો પર્પલને  સિલ્વર  કોમ્બિનેશનનો ફૂલ સ્લીવનો બ્લાઉઝકોરાકંકુનો રાણી કલરનો ચાંલ્લો,મોટા પર્પલ  સ્ટોન સાથેના હીરાના સ્ટડ ,પિંક  લિપસ્ટિક  સાથે કાજલ કરેલી સુંદર આંખોગૌર વર્ણ ,કમનીય કાયા અને ફાટફાટ થતું યૌવનસ્ત્રીઓને પણ એકવાર તેની સામે જોઈને નજર હટાવવાનું મન થાય તો બિચારા પુરુષોની તો વાત કયાં કરવી !!! તે મંદિરના પગથિયા ચડતી હતી ને સાથે જયમલશેઠ અને તેમની પત્ની મધુ પણ ઉપર ચડી રહ્યા હતા. મંદિરમાં ઉપર આવતાની સાથેજ મધુ આમ્રપાલીને જોઈને બબડવા લાગીઆજના સપરમા દિવસે આનું મોં કયાં જોવા મળ્યું! બીજા લોકો પણ કોઈ તેના રુપ અંગે તો કોઈ તેના ચરિત્ર અંગે જુદી જુદી વાત કરી ગણગણતા સંભળાયા. કોઈ બેપરવાહ યુવક તેને જોઈ, “એક ચાંદ ઉધર ભી,એક ઈધર ભીકહેતા .તો કોઈ તેને જોઈને ઊંડી આહ ભરતા

જયમલ શેઠ ત્રાંસી આંખે તેને જોઈને આગળ નીકળી ગયા. કોઈ કહે આવી રુપલલના હોય તો પુરુષો બગડે ને! કોઈ કહે ભગવાને અધધ સૌંદર્ય આપ્યું છે પણ નસીબ કેવું!! આમ કોઈ તેના નસીબને તો કોઈ તેના રુપને કોસી રહ્યા હતા. કોઈ ભલી સ્ત્રી એમ પણ કહેતી હતી કે બધામાં બિચારી તેનો શું દોષપણ કોઈ તેને જોવાનું ચુકતું નહોતુ પરતું પૈસાના ગુમાનમાં ફરતા મધુ શેઠાણી તો એમ કહેતા હતા કે

આવી ચાંદવીઓને તો જેલ ભેગી કરવી જોઈએ ,પોતાના શરીર વેચીને આખા ગામના પુરુષોને બગાડે છે તે!”

સાંભળી મૂછમાં મલકાઈ જયમલ શેઠચાલ ને હની તું પણ શું ! “ કહી મધુનો હાથ વ્હાલથી પકડવાનો ડોળ કરી ચાલ્યા.જયમલ બહુ મોટા ઈન્ડસ્ટ્રિઆલીસ્ટ હતા.

આમ્રપાલીના માટે આવો બણબણાટ રોજની વાત હતી. જ્યારે પણ તે ઘરની બહાર વધુ લોકો હોય તેવી જગ્યાઓ પર જતી ત્યારે તેને બધું સાંભળવા મળતું  ,પણ હવે તેને બધી વાતની અસર ઓછી થતી હતી. હા,થાય પણ ક્યાંથી?આવું જાત જાતનું લોકો વડે બોલાએલ સાંભળીને તે નાનપણથી મોટી થઈ હતી. તે જેના થકી દુનિયામાં જન્મી હતી તે તેની માતાનો કોલેજ સમયનો પ્રેમી હતો. શહેરના નામી વગદાર વકીલનો દીકરો. તે રાજ્યકક્ષાના કોંગ્રેસના નેતા પણ હતા.તેમની આગળ બોલવાની તેમના દીકરાની હિંમત હતી નહી. તે તેના પિતાજીને પોતાના પ્રેમ અંગે કંઈ કહી શક્યો. પિતાએ પોતાના જેવા વગદાર નામી વ્યક્તિની દીકરી સાથે તેને પરણાવી દીધો. આમ્રપાલીની માતા વગર લગ્ને પ્રેમના પાગલપનમાં કુંવારી માતા બની ગઈ હતી.મધ્યમવર્ગના માતાપિતા દીકરીની ભૂલને માફ કરી શક્યા અને તેને ઘરમાંથી અને પોતાના જીવનમાંથી હંમેશ માટે કાઢી મૂકી.

સમાજની બીકે પોતાના બાળકની ભૂલને માતાપિતા માફ નથી કરતાં અને પોતાના હાથે પોતાની દીકરીને નરકમાં ધકેલી દે છે. પોતાને જન્મ આપનાર દીકરીની ભૂલ માફ કરે ત્યારે દીકરી ભરી દુનિયામાં સાવ એકલી થઈ ખોટા રસ્તે ચડી જાય છે.

એકબાજુ પોતાના માતાપિતા અને બીજી બાજુ પ્રેમી અને સમાજ બધાથી તરછોડાએલ સ્ત્રી જાય તો પણ કયાં જાયતેવે સમયે આમ્રપાલીની મા મિતાલીનો જેણે હાથ પકડ્યો હતો તે એક એવી સ્ત્રી હતી જે એકદમ ઊંચા ઘરાનાના શેઠિયા ,રાજકારણીઓ જેવા માલેતુજાર પુરુષોને ખાનગીમાં મનોરંજનની સગવડ કરી આપતી. મુંબઈ,દીલ્હી ,કલકત્તા જેવા શહેરોની ઓબેરોય કે તાજમાં તે પુરુષો દેખાવડી યૌવનાને ઉપવસ્ત્ર તરીકે ભોગવતા અને તે પેટે તગડી રકમ યુવતીને મળતી. આમ્રપાલીની માતાને કોઈ સહારો નહી રહેવાથી તેણે પોતાના જીવન નિર્વાહનો રસ્તો અપનાવ્યો. પોતાની દીકરીને જન્મ આપી તેની પાછળ તેણે નામ પણ પોતાનું આપ્યું. આમ્રપાલી મિતાલી. આમ્રપાલી સ્કૂલમાં જતી ત્યારે પણ બધા તેને તેના પિતા અંગે પૂછતા. તેને પણ બધાના નામની પાછળ પિતાનું નામ છે તો તેની પાછળ કેમ માનું નામ?તેના પિતા કયાં છે ? કોણ છેકેમ તે તેમને છોડી ગયા છેજેવા અનેક સવાલો થતા.માતા પહેલા તો તેના ઉડાઉ જવાબ આપતી પરતું પોતાને થયેલા દગાથી અને તેને આચરવા પડતા ખોટા રસ્તાથી કંટાળીને તે ગુનાહીત ભાવના સાથે ખૂબ દુ:ખી જીવન વિતાવી રહી હતી. એક વાર કોઈ નબળી ક્ષણમાં તે પોતાની જાત પર હાવી થયેલા વિચારો પર કાબુ રાખી શકી અને તેણે આપઘાત કર્યો .મરતાં પહેલા તેણે પોતે કરેલા બધા ગુનાની માફી માંગતો અને આમ્રપાલીનાં પિતા કોણ છે તેની બધી હકીકત જણાવતો પત્ર તેની દીકરીને લખ્યો. મા તો દુનિયા છોડીને ચાલી ગઈ પણ બેસહારા આમ્રપાલીને પણ નગરવધુ બનવા છોડી ગઈ…….

આમ્રપાલી પણ માની જેમ જયમલ શેઠ અને તેમના જેવા કરોડપતિઓના દિલને પંચતારક હોટલોમાં જઈને બહેલાવતી અને મધુ જેવી શેઠાણીઓના કડવાવેણ સાંભળતી રહેતી.

જયમલ જેવા અનેક શ્રીમંત નબીરાઓ પૈસાને જોરે શહેર બહાર જઈ આવા ભોગ ભોગવતા રહેતા હોય છે અને તેમની પત્નીને તેઓ હની હની કરીને કેટલોય પ્રેમ કરે છે તેવો ડોળ કરતાં રહેતા હોય છે.

 પરંતુ  આજે આમ્રપાલી મંદિરમાં  માત્ર દર્શન કરવા નહોતી આવી પણ ખરા દિલથી પ્રભુનો આભાર માનવા આવી હતી.તેના જીવનમાં અભિલાષ નામની વ્યક્તિનો પ્રવેશ થયો હતો.અભિલાષ  ખરા હ્રદયથી આમ્રપાલીને ચાહતો હતો.તે હંમેશ માટે તેને પોતાના હ્રદયમાં અને ઘરમાં સ્થાન આપવા માંગતો હતો.તે આજે આમ્રપાલીના જીવનમાં  દિવો પ્રગટાવી  બધા લોકો વચ્ચે મંદિરમાં તેની માંગમાં સિંદૂર ભરી ,હાર પહેરાવી હંમેશ માટે પોતાની બનાવી તેને સમાજમાં તેનું સ્થાન આપવા માંગતો હતો.

અભિલાષને ગુલાબના બે હાર લઈને ગાડીમાંથી ઉતારતો જોઈને આમ્રપાલી પોતાની બદલાઈ રહેલી જિંદગીના વિચાર માત્રથી બેહદ ખુશ હતી.પણ ત્યાં ……..તો જેવો અભિલાષ ગાડીમાંથી ઉતર્યેા અને કોઈ ગાડી જોરથી ટક્કર મારી અભિલાષ અને તેના ગુલાબના હારને હતા નહતા કરી ફૂલ સ્પીડમાં ત્યાંથી જતી રહી………

આમ્રપાલી જોરથી ચીસ પાડી અભિલાષને ઉછાળતો જોઈ પગથિયાં પર બેભાન થઈ પડી.લોકો ભેગા થઈ ગયા.જયમલ શેઠ ખંધુ હસતા અને પરણવા નીકળેલ આમ્રપાલીનો પ્લાન તોડી પોતાની જીત પર ખુશ થતા ત્યાંથી સડસડાટ નીકળી ગયા.

શું મધુ જેવી શેઠાણીઓ પોતાના પતિના કરતૂતો થકી વાકેફ હશેજો હા ,તો એક સ્ત્રી થઈ તે કેમ તેમાં એક સ્ત્રીનો દોષ જોતી હશેજે પુરુષો પોતાની પત્ની હોવા છતાં રુપલલના પાસે પોતાની હવસ સંતોષવા જતા હશે તેમનો કોઈ દોષ નહીંભગવાને સ્ત્રીઓને માતા બનવા માટેની શારીરિક રચના આપી તેના થકી માતૃત્વનો આનંદ તો મળે છે .પણ જ્યારે આમ્રપાલીના પિતા જેવા પુરુષો સ્ત્રીને ભોગવીને અડધે રસ્તે છોડી દે છે અને તેનું જીવન મજબૂર બની જાય છે અથવા સ્ત્રીઓ અને બાળકીઓનો રેપ થાય છે ત્યારે ભગવાનને પૂછવાનું મન થાય છે કે સ્ત્રીના શરીરની રચના તેં શા માટે આવી બનાવીકે બધું તેને શા માટે ભોગવવાનું??? નગરવધુ હોય કે નાની ખોલીમાં પોતાની જાત વેચતી હોય તે બધી સ્ત્રીની દશા શું દયનીય નથી?

This entry was posted in Uncategorized. Bookmark the permalink.

2 Responses to સંવેદનાના પડઘા-૩૮ આમ્રપાલી

  1. આમ્રપાલી જેવી વ્યક્તિઓના નસીબ આડે પાંદડું જ નહીં જયમલ શેઠ જેવા પહાડ જ હોય ત્યાં એના માટે અફસોસ કરવા શબ્દો ઓછા પડે.

    Like

  2. Kalpana Raghu says:

    આમ્રપાલી જેવી વ્યક્તિઓનો વર્ગ સમાજમાં હતો,છે અને રહેશે! જે દંભી સમાજનું દુષણ છે, આભૂષણ છે.જેના વગર સમાજ હોઈ જ ના શકે.ગામ હોય ત્યાં આવા શેઠ જેવો ઉકરડો પણ હોય જ!

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s