પ્રેમ પરમ તત્વ- ગુજરાત 28 -સપના વિજાપુરા

આ પહેલા વતન પ્રેમ  અને વતન ઝૂરાપા વિષે લખી ચુકી છુંપણ આ મારે વાત કરવી છે ગરવી ગુજરાતનીમેઘાણીના ગુજરાતની, નર્મદ ના ગુજરાતની, અને કલાપી ના ગુજરાતની. અને સપના વિજાપુરાના ગુજરાતની.જે માભોમ માં મેં જન્મ લીધો જે  માભોમે મને મારું બાળપણઆપ્યું અને જે માભોમે મને યુવાનીનો તરવરાટ આપ્યો, એ ગુજરાત! ભારતમાં ગુજરાત જેવું કોઈ રાજ્ય નથી.કદાચ બધા રાજય વાળા પોતાના રાજ્ય વિષે એમજ કહેતા હશે પણ કહો ક્યાં છે ગુજરાત જેવી સમૃદ્ધિ? હજુ પણ જ્યારે હું યુ એસ એ થી ભારત જાઉં છું તો અને ગુજરાત પહોંચું છું તો મોટો હાશકારો થાય છે જાણે મા ના ખોળામાં પહોંચી ગઈ. એ વહાલ એ પ્રેમ અને એ કરુણા પામું છું જે માના હૈયામાં મળે છે.પીળા ગરમાળા અને જાસૂદ ના ફૂલો જે હવે દરેક રંગમાં જોવા મળે છે. રસ્તાની બંને બાજુએ બોગનવેલ જાણે બે હાથ પ્રસારીને ગળે લગાડવા માટે તૈયાર છે.અમદાવાદમાં ગાંધીજીનું સ્મારક ફરી નવો જોશ પેદા કરે છે. બરોડાનું સરદાર પટેલનું સ્મારક આકાશ સાથે વાતો કરે છે, જેનાથી ગર્વથી ગરદન ઊંચી થઇ જાય છે.

ગુજરાત ની સરહદ મહારાષ્ટ્ર, પાકિસ્તાન, રાજસ્થાન અને મધ્યપ્રદેશ ને મળે છે. ગુજરાત ખેતીપ્રધાન રાજ્ય છે. અહીંની જમીન ફળદ્રુપ અને ઉપજાઉ છે.ગુજરાતમાં મુખ્ય પાક તમાકુ,રુ, ચોખા, ઘઉં જુવાર. બાજરો,તૂર અને ચણા છે. ગુજરાત એક પૈસાવાળું રાજ્ય ગણાય છે.

ગુજરાતમાં ગાંધીજી, સરદાર પટેલ જેવા આઝાદીના લડવૈયા તથા મોદીજી તથા મોરારજી દેસાઈ જેવા રાષ્ટ્રભક્ત વડાપ્રધાન , મેઘાણી , નર્મદ, સ્નેહરશ્મિ, પન્નાલાલ પટેલ, કનૈયાલાલ મુનશી,ઉમાશંકર જોષી ,કલાપી અને દલપતરામ જેવા કવિઓ થઈ ગયા છે. સાહિત્ય થી સમૃધ્ધ આ રાજ્યનો ઇતિહાસ પણ એટલો  સમૃધ્ધ  છે.

ગુજરાતી હોય અને ધંધાદારી મગ ના હોય તે શી રીતે બને?  ગુજરાતથી અનિલ અંબાણીમુકેશ અંબાણી, દિલીપ સંઘવી, અને ગૌતમ અદાનીજે હાલ ભારતના સૌથી મોટા બીઝનેસમેન ગણાય છે, આવેલા છે. છે.ઈશ્વરે પૈસા સાથે મગ અને અક્કલ પણ આપેલી છે.

મે,૧૯૬૦ ગુજરાત સ્થાપના થઈ હતી. અને આ સ્થાપનાનો દિવસ અમેરિકામાં ગુજરાત ગૌરવ દિવસ તરીકે મે, ૧૧ ના રો ઉજવાઈ છે.અમેરિકામા રહીને ગુજરાતીઓ ગુજરાત માટે ગૌરવ અનુભવે છે એ મારી મા ભોમ કેવી સુંદર હશે.અમેરિકા આવી ગયા, પણ હજુ ગુજરાતનીખુશ્બુ શ્વાસોશ્વાસથી  મહેકે છે.હું જ્યાં જાઉં ત્યાં મારું નાનું ગુજરાત સાથે લઈને જાઉં છું.ગુજરાતી જ્યાં જાય ત્યાં પ્રસિધ્ધિના ડંકા વગાડે છે.ગુજરાતી બાળકો પણ દુનિયાની કોલેજોમા ઉચ્ચ અભ્યાસ માટે પ્રખ્યાત થયેલા છે. ગુજરાત ના સંસ્કારની સુગંધ ફેલાવી રહ્યાં છે. કોઈ એક અમેરિકાના મેયરે કહેલું કે ગુજરાતી પાસેથી કુટુંબભાવના શીખવા જેવી છે જે ગુજરાતીઓને ગુજરાતી બનાવે છે.ગુજરાતની મહિમા ગાતું આ ગીત મને વોટ્સ એપથી મળી આવ્યું પણ કવિ કોણ છે એ મને ખબર નથી. ગુજરાતનું આટલું સુંદર આલેખન મેં ક્યારેય વાંચ્યું નથી. મારા હ્ર્દયની ભાવના આ ગીતમાં વહે છે.પ્રેમ કદાચ એ હશે પરમ પ્રેમ ગુજરાત સાથે.

કૃષ્ણની દ્વારિકા ને..
સાચવીને બેઠેલું જળ છું..
હું નરસિંહ ના પ્રભાતિયાથી
પરિતૃપ્ત પ્રભાત છું..
વેપાર છું વિસ્તાર છું  વિખ્યાત છું
હા..હું ગુજરાત છું !

મેં સાચવ્યા છે
ડાયનાસોર ના અવશેષ
મારી પાસે છે
અશોકનો શીલાલેખ..
ધોળાવીરા નો માનવલેખ
સોમનાથ નો અસ્મિતા લેખ
હું ઉત્તર માં સાક્ષાત અંબા માત છું
હા..હું ગુજરાત છું!

હું નર્મદનું ગાન છું
સયાજીરાવ નું ઉદ્યાન છું
સિધ્ધહેમનું જ્ઞાન છું.
તાપી નામે સરિતા છું..
અણહિલવાડનો ઇતિહાસ છું
હા..હું ગુજરાત છું…!

હું ખળખળ વહું છું નર્મદાઘાટે
ને
ખળભળું છું..
ચોરવાડ ના ફીણમોજાંની સંગાથે..
કચ્છનું રણ એ મારું આવરણ છે
હું અરવલ્લીની અલ્લડ લ્હેરખી છું
કાળિયાઠાકર ના મુગટનું ઝવેરાત છું.
હા…હું ગુજરાત છું..!

હું સાબરમતી થી ખ્યાત છું..
મોહન નો મોહપાશ છું
સરદારની મક્કમતા છું
નક્કર છું…નાજુક છું..ને નેક છું
ઇન્દુચાચાની મોંઘેરી મિરાત છું
હા.. હું ગુજરાત છું !

સેવા સખાવત અને સદભાવ છું
હું વિરપુરની ખીચડીનો સ્વાદ છું
મુનશીના ગદ્યની મોહિની છું
મેઘાણી..પન્નાલાલ ની લેખિની છું..
હું ભાતીગળ મ્હોલાત છું..
હા…હું ગુજરાત છું..!!

સપના વિજાપુરા

About sapana53

સપના એટલે ખૂલી આંખે જે સપનામાં ડૂબી શકે છે. આ કલમ મને સપનામાં લઇ જાય છે , સપના દેખાડે છે અને સપનામાં જીવાડે છે. મને લખવું ગમે છે. નિજાનંદ માટે। ઘણાં દૈનિક પેપરમાં મારા આર્ટિકલ અને કોલમ આવે છે મારા ત્રણ પુસ્તકો પ્રકાશિત થયાં છે. જેમાં બે ગઝલ સંગ્રહ અને એક લઘુ નવલ છે. મારી વેબસાઈટ છે. http://kavyadhara.com મારી લઘુ નવલ "ઉછળતા સાગરનું મૌન" કિન્ડલ પર પ્રાપ્ત કરી શકાય છે.
This entry was posted in ચિન્તન લેખ, સપના વિજાપુરા, Uncategorized. Bookmark the permalink.

2 Responses to પ્રેમ પરમ તત્વ- ગુજરાત 28 -સપના વિજાપુરા

  1. Pragnaji says:

    સપનાબેન ખુબ જ સરસ ,ગુજરાત તમારામાં જીવે છે.હું વિરપુરની ખીચડીનો સ્વાદ છું કહેવું પડે !

    Like

  2. સપનાબેન,ગુજરાત મોરી મોરી રે…. યાદ આવી ગયું. હું ગુજરાતના પાટણના પટોળાં પહેરનાર ગુજરાતી નારી છું.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s