ચાલો લહાણ કરીએ -ક્ષણ-‘મનુજ’ હ્યુસ્તોનવી

મિત્રો

મનોજ મહેતા-તખલ્લુસ – ‘મનુજ’ હ્યુસ્તોનવીના નામે જાણીતા હ્યુસ્ટન, ટેક્ષાસ્ માં રહેતા પ્રથમ વાર આપણા બ્લોગ પર આવ્યા છે તો એમને વાંચી આપના પ્રતિભાવ આપી સત્કારશો.અનુભવી કલમ માણવાની મજા આવશે અને સાથે કૈક નવું શીખવા મળશે.

મનોજભાઈ આપનું “બેઠક”માં  સ્વાગત છે.

 

જો પળ છે, દૂરસુદૂર,

જીવન,પણ છે, મોતથી સુમધૂર.

જુઓ, અટકળ કરે, મન જીવવાને,
પાઈ લપસ્યા કરે, રુપિયો બનવાને,
ધૂળ રજકણ બને, ઉંચે ઊડવાને,
બીજ વળગણ કરે, વૃક્ષ બનવાને,
ભ્રમર ચાહે વન ઉપવન ભમવાને,
ચન્દ્ર ભટકે ગગન ઉજળો થાવાને,
ક્રિયા ઝાઝી પણ કર્તા છે ક્ષણભંગૂર,
જીવન, પણ છે, મોતથી સુમધૂર.

પળનો શ્વાસ જુઓ, અવિશ્વાસ જુઓ,
પળનું અંતર જુઓ કે વૃધ્ધિ જુઓ,
પળનું માપ જુઓ યા વજન જુઓ,
પળનાં રાગ જુઓ અથવા રંગ જુઓ,
પળનાં વેણ સૂણો, શ્રવણનું ઝેર જુઓ,
પળની ખ્યાતિ જુઓ, અધોગતિ જુઓ,
ભાસ, આભાસનો કેવો મગરૂર!
જીવન, પણ છે, મોતથી સુમધૂર

તમે માનો, જો પળ છે, દૂરસુદૂર,
જીવન,પણ છે, મોતથી સુમધૂર.

મનુજહ્યુસ્તોનવી
૦૪/૦૮/૨૦૧૭

આજે લહાણ મારે કરવીછે એક નજમની..મનુજ હ્યુસ્તોનવી દ્વારા લખાયેલ તાજી પહેલી ધારની નજમ એટલે “ક્ષણ”

કવી એક પળની… એક ક્ષણ ની વાત કરે છે.સૌ જાણે છે તે પળ જિંદગીમાં આવવાની નક્કી છે છતા સૌ માને છે તે પળ હજી દુર છે ખાસ્સી એવી દુર છે હજી જિંદગી મજબૂત છે તે માન્યતા થકી થતી અટકળો તેની જીંદગાની ને મજબુત બનાવતી રહે છે.તે માટે પ્રયોજાયેલા રુપકો પણ બળુકા છે ..પાઇ રુપિયો બનવા.. ધૂળ રજકણ બનવા, બીજ વળગણ બનવા, ભ્રમર વમ ઉપવન ભમવા  અને ચંદ્ર ઉજળો થવા ગગને ચઢે પણ વાસ્તવીકતાની ઢાલ છેલ્લી બે લીંટીમાં આપી દે છે

ક્રિયા ઝાઝી પણ કર્તા છે ક્ષણભંગૂર,
જીવન, પણ છે, મોતથી સુમધૂર.

કર્તા છે ક્ષણ ભંગુર.”ની લાલબત્તી ધરી કવી સ્પષ્ટ કહે છે કે જીવન મધુર છે મોતથી… આપણ ને વધુ વિગતે સમજાવતા તેઓ કહે છે પળનો શ્વાસ જુઓ કે અવિશ્વાસ જુઓ, પળનું અંતર જુઓ કે વિકાસ જુઓ, પળનો રાગ જુઓ કે રંગ જુઓ,,પળનાં વેણ જુઓકે શ્રવણ નું ઝેર, પળની ખ્યાતિ જુઓ કે અધોગતિ, ભાસ આભાસનો કેવો મગરૂર… આ જીવન, પણ છે, મોતથી સુમધૂર.

ફરી ફરીને એક જ વાત આવે છે આ જીવન ,પણ છે, મોતથી સુમધુર…

મોતથી આ જીવન સુમધુર છે જેવો હકારાત્મક સંદેશ આપતા કવી કહે છે એ બહુ અપેક્ષીત ક્ષણ ગમે ત્યારે આવી જાય તે પહેલાનું જીવન સુમધુર છે માણો અને માણ્તા રહો

મનોજ મહેતા નો પરિચય આહી આપું છું
-તખલ્લુસ – ‘મનુજ’ હ્યુસ્તોનવી
-જન્મભૂમિ- ડભોઇ, ગુજરત રાજ્ય, ઇન્ડીયા
-સાઠોદરા નાગર ગ્રુહસ્થ
-અભ્યાસ, બાળપણ અને વ્યવસાય ફિઝિકલ થેરાપી આસિસ્ટન્ટ લેક્ચરર શ્રી સયાજી જનરલ હોસ્પીટલ/ મ. સયાજીરાવ યુનિવસ્રિટી ૧૯૮૩ સુધી વડોદરા, ગુજરાત રાજ્ય ખાતે,
-હાલમાં હ્યુસ્ટન, ટેક્ષાસ્ ખાતે વસવાટ
-વ્યવસાયઃ કન્સલ્ટીંગ ફિઝિકલ થેરાપીસ્ટ અને ફિઝિકલ થેરાપી સ્ટુડન્ટ એજ્યુકેશન ક્લિનીકલ કોઓર્ડીનેટર.
-શોખઃ મ્યુઝીક-સાંભળવું શાસ્ત્રિય,ભક્તિ સંગિત અને ગાવું કેરીઓકી ફોર્મેટ
લખવું- ગઝલ, ભજન, નાટક, લઘુકથા, પ્રકાશિત પુસ્તક ‘મનોકલ્પ’ ગઝલ સંગ્રહ સપ્ટેમ્બર, ૨૦૦૩
રંગભૂમી- હ્યુસ્ટન નાટ્ય કલા વ્રુન્દ ના સૌજન્ય હેઠળ ૧૯૮૮ થી ચાલુ.
-પત્નિ કલ્પના મહેતા, પુત્રીઓ વિતસ્તા સોમૈયા અને મિતાલી મહેતા, અને જામાત્ર અનિરુદ્ધ સોમૈયા

મનોજભાઈ મહેતા http://mamehta.gujaratisahityasarita.org/-

Advertisements

About Pragnaji

Personal Links http://pragnaji.wordpress.com/ https://shabdonusarjan.wordpress.com/ http://gujaratidaglo.wordpress.com/
This entry was posted in "બેઠક "​, ચાલો લ્હાણ કરીએ, મનોજભાઈ મહેતા and tagged . Bookmark the permalink.

2 Responses to ચાલો લહાણ કરીએ -ક્ષણ-‘મનુજ’ હ્યુસ્તોનવી

  1. શૈલા મુન્શા says:

    આજની ક્ષણ માણી લો, કારણ જીવન તો મોતથી પણ સુમધૂર છે.
    બહુ જ સુંદર અને જીવન પ્રત્યેના હકારાત્મક ભાવ વાળી ગઝલ.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s