દિલમાં ધડકતું વતન.
માતૃભુમિ છોડી, વતન છોડ્યુ, છોડ્યુ તુલસી આંગન
આવી વસી હું પરદેશમાં
અમેરિકાની ધરતી અને વતનની ધરતીમાં નહી કોઈ ફરક
છતાં પણ
પરદેશની માટીમાં શોધુ કેમ વતનની માટીની ખુશ્બુ ?
ફુલ-ઝાડ-નદી-ઝરણાં-સાગર-સરોવર-પર્વત
અહિયા અને ત્યાં નહી કોઈ ફરક,
છતાં પણ, નયનોમાં કેદ વતનની ઝાંખી.
પરમ શાંતિ અહિયાં, છતાં પણ ,
કાનમાં ગુંજતા મંદિરની આરતીના એ ઘંટનાદ-શંખનાદ-ઝાલર- ઢોલ-નગારા.
કુક્ડાની કુકડે કુક અને કોયલના મીઠા બોલ.
Sandwich thin માટેના પતલા બન અને
Tortillas પર લખેલી સામગ્રી વાંચી, હૈયુ બળે
અઢળક કેમિકલ ઓળ્યાં પેટમાં.
આવે યાદ ઘરની મિલસેન્ટ ઘર ઘંટી
તાજુ દળી તાજા લોટ, તાજી રોટલી-ભાખરી-થેપલા
નો લેફ્ટ ઓવર.
પહેલી રોટલી ગાયની, વધ્યુ ઘટ્યુ આપતાં નોકર-ચાકર-ગરીબ-કુતરાને.
ગરવી ગુજરાત,દીપ,સ્વાદ,નાનકના ફ્રોજન
ફરસાણ-મિઠાઈ,નાન-પરાઠા-થેપલા-ઢેબરા-સમોસા
અરે ઘણુ બધું ! અને ઘરમાં અવાર નવાર
તાઢીસેરી ખાઈને
આવે યાદ, રોજ શીતળા સાતમ.
પરદેશની રહેણી-કરણી નીરાલી,
પરિવાર છુટા પડ્યા, થયાં વિભક્ત કુટુંબ
આવે યાદ, સંયુક્ત કુટુંબ.
વતન અને પરદેશ
જ્યાં રહ્યાં ત્યાં અનુકુળ થઈ,ગોઠવાઈને સમાઈ ગયાં
છતાં પણ દિલમાં ધડકતું વતન.
સુખ-વૈભવ, સુપર પાવર દેશમાં જીવતાં જીવન સારુ લાગે
છતાં પણ, દિલમાં ધડકતું વતન.હેમા
– જય શ્રી કૃષ્ણ.
"બેઠક" Bethak 