અહેવાલ-રાજેશ શાહ

બેઠકમાં નિતનવા વિષય પર ઉગતા કવિઓને સ્થાન અપાય છે

– માઇક્રો ફિકશન વાર્તા.. એક નવો જ વિષય

– વિષય નવીન હોવા છતાં ગુજરાતી ભાષાના ૭૮ પ્રેમીઓએ વિચારો મોકલ્યા

બે એરિયા, તા. ૯

‘પુસ્તક પરબ’ના અનોખા અંદાજ સાથે શરૃઆત થયેલ કાર્યને આગળ ધપાવવા ‘બેઠક’માં દર મહિને નિતનવા વિષય ઉપર બે એરિયાનાં ઉગતા કવિઓ-લેખકો અને ગુજરાતી ભાષા સાહિત્યમાં રૃચિ ધરાવનારાઓ નવિન સર્જન કરી શકે તેવું વાતાવરણ અને તક ઉભી કરવાનો મહાયજ્ઞા ચાલી રહ્યો છે.
બેઠકનું વાંચન અને લેખન કાર્ય યોગ્ય દિશામાં વિકસીત થાય તેવા હેતુથી પ્રતાપભાઈ પંડયાના પ્રોત્સાહનથી મળેલા પુસ્તકો બેઠકના સભ્યોને અપાય છે.એપ્રિલ મહિનાના વિષય માઇક્રોફિકશન વાર્તા લઇને ‘બેઠક’નો કાર્યક્રમ શુક્રવાર ૨૮ એપ્રિલ, ૨૦૧૬ના રોજ મિલપિટાસના ઇન્ડિયા કોમ્યુનિટિ સેન્ટર ખાતે યોજાયો હતો.

પ્રજ્ઞા દાદભાવાળા સૌને આવકાર આપી ‘બેઠક’ ગુ્રપના આયોજકોએ આજના કાર્યક્રમમાં પ્રતાપભાઈ પંડયાનું હાર્દિક સ્વાગત કર્યું હતું. કલ્પના રઘુ શાહે સરસ્વતી વંદનાથી આજના કાર્યક્રમની શુભ શરૃઆત કરી હતી. બે એરિયામાં સાહિત્ય ક્ષેત્રે અપ્રતિમ પ્રદાન કરવા અંગે તાજેતરમાં જ બે એરિયા ડગલો પરિવાર તરફથી સન્માનપત્ર મેળવનાર બેઠક ગુ્રપના સક્રિય ભાષાપ્રેમી શ્રી પી. કે. દાવડાનું પ્રતાપભાઈના હસ્તે સન્માન કરવામાં આવ્યું હતું.વિષય નવીન હોવા છતાં ૭૮ ગુજરાતી ભાષા પ્રેમીઓએ પોતાના વિચારો- માઇક્રોફિકશન વાર્તા બેઠક ગુ્પને મોકલી આપી હતી.શ્રી પી. કે. દાવડાએ બેઠકના આવતા મહિનાના વિષય ડાયસ્પોરા લેખન વિષે સમજ આપી હતી અને દરેકને આ વિષય ઉપર પોતાના વિચારો લખી મોકલવા જણાવ્યું હતું.વિનુ મરચન્ટ વાર્તા સ્પર્ધા – ૨૦૧૬માં ભાગ લીધેલ ટૂંકી વાર્તાઓમાં ઇનામ વિજેતા વાર્તાની જાહેરાત જયશ્રીબેન મરચન્ટે કરી હતી. જયશ્રીબેનના પતિ શ્રી વિનુભાઈની યાદમાં શરૃ થયેલ વિનુ મરચન્ટ વાર્તા સ્પર્ધામાં આ વર્ષે ૧૮ ટુંકી વાર્તાઓએ ભાગ લીધો હતો.

જયશ્રીબેન મરચન્ટે સૌ પ્રથમ ૩ વિજેતા કૃતિઓ અને ૨ આશ્વાસન કૃતિઓની જાહેરાત કરતાં જણાવ્યું હતું કે સર્વે વાર્તા સર્જકોએ સુંદર રજૂઆત કરી છે અને સર્વૈના પ્રયત્ન માટે અભિનંદન આપ્યા હતા. પ્રથમ વિજેતા ‘નાખુદા’ માટે લેખક વિજયભાઈ શાહ દ્વિતિય વિજેતા- મમ્મી, સાંભળતો ખરી માટે  પ્રજ્ઞા દાદભાવાળા ,તૃતિય ઇનામ – એ દિલે નાદાન માટે રાજુલ કૌશિકને બે આશ્વાસન ઇનામો – ચીંથરે બાંધેલ સંસ્કાર માટે ભુમિકાને અને ‘ન ઓળખી શક્યા’ માટે જયવંતીબેનના નામ જાહેર કરી વિજેતાઓને પુરસ્કાર અને અભિનંદન અપાયા હતા.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.