ડો. મહેશ રાવલ–પી. કે. દાવડા

ડો. મહેશ રાવલ

કેલિફોર્નિયાના Bay Area માં રહેતા ડો. મહેશ રાવલ મારા મિત્ર છે. એમણે ગઝલલેખનનીદીક્ષા ઘાયલ સાહેબ પાસેથી લીધેલી, અને એટલે જ એમની ભાષામાં તળપદી ગુજરાતીશબ્દોનો ઉપયોગ વધાર જોવામાં આવે છે. એમની ગઝલોમાં ખુમારી અને આત્મવિશ્વાસછલોછલ ભરેલો દેખાય છે. એક ઘા ને બે કટકા એ એમની ગઝલોની તાસીર છે. એમની બેગઝલ રજૂ કરૂં છું

 

(૧)

ઠીકઠાક છે સઘળું તો આ રઘવાટ શેનો છે
છો સાવ હળવાં ફૂલ તો, આ ભાર શેનો છે ?

તમને ગણાવો છો તમે સહુથી અલિપ્ત, તો
ભીની જણાતી આંખમાં તલસાટ શેનો છે ?

કોરી જ પાટી હો તમારા મન-વિચારની,

છેકછાક જેવો હાંસિયામાં ડાઘ શેનો છે ?

નહીં મોહ નહીં માયા ન કંઇ વળગણ કશાયનું
તો પ્રશ્ન એ છે કે, વિરોધાભાસ શેનો છે ?

ધારણ કરેલું ધૈર્ય આડંબર ન હોય તો
વાણી ને વર્તન બેયમાં ઉત્પાત શેનો છે ?

કરતાં નથી ક્યારેય જો તરફેણ કોઇની
મુઠ્ઠી વળેલાં હાથને આધાર શેનો છે ?

ખોટું સ્વયં કરતા નથી, કરવા નથી દેતાં
તો સત્ય પ્રત્યે આટલો ધિક્કાર શેનો છે ?

-ડો. મહેશ રાવલ

 

(૨)

સત્ય જેવા સત્યને,પડકારવા  નીકળી પડે
છાબડું લઇ, સૂર્યને સહુ ઢાંકવા નીકળી પડે !

પ્રશ્ન જેવી શખ્સિયતને ઉત્તરો ગમતાં નથી
એટલે, ટોળે વળી સંતાપવા નીકળી પડે

જે સ્વયં સગવડ ચકાસી રોજ બદલે છે વલણ
એય, બીજાનાં વલણને જાણવા નીકળી પડે !

જે બળે છે બહાર-ભીતર બેય રીતે દ્વેષથી
એજ, ઈર્ષાવશ બધાને બાળવા નીકળી પડે

કોઇના કહેવા ન કહેવાથી બને નહીં કંઇ, છતાં
છે ઘણાં એવાય, જે યશ ખાટવા નીકળી પડે !

જાત કાંટાની મળી એ એમનું દુર્ભાગ્ય છે
તોય ખુદને, ફૂલથી સરખાવવા નીકળી પડે

ભૂખ અઢળક કીર્તિની સારી નથી હોતી “મહેશ”
એ, ગમે ત્યારે ગમે તે પામવા નીકળી પડે !!

ડૉ.મહેશ રાવલ

 

(મિત્રો, હાલ પુરતી આ લેખમાળા અહીં પુરી કરૂં છું. હું જાણું છું કે ચીનુ મોદી, રમેશ પારેખ,રહીશ મણીયાર અને બીજા અનેક ગઝલ સર્જકો બાકી છે, પણ હાલમાં મારૂં પોતાનુંSaturation Point આવી ગયું છે. મને હોંકારો આપનાર મિત્રોનો આભાર.)

-પી. કે. દાવડા

1 thought on “ડો. મહેશ રાવલ–પી. કે. દાવડા

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.