મારી ભાષા તું ગુજરાતી…..રમેશ પટેલ(આકાશદીપ)

મિત્રો માતૃભાષા દિવસે  ન મૂકી શકી માટે માફી માગું છું  

પણ માતૃભાષા  સદાય વ્હાલી હોય છે 

માટે આજુ રજુ કરું છું. 

મારી  ભાષા  તું  ગુજરાતી…..રમેશ પટેલ(આકાશદીપ)

આજે ૨૧મી ફેબ્રુઆરી…વિશ્વ વધાવે છે કહી’ માતૃભાષા દિન’

 આપણી ગુજરાતી ભાષાના આદ્યકવિશ્રી સંત નરસિંહ મેહતાજી, આ મા બોલી ને ઝીલી ગાઈ. સત્તરમી સદીમાં શ્રી પ્રેમાનંદે તેને ગુજરાતી ભાષાનું નામ દઈ સન્માન દીધું.એ રસકવિના પેંઘડામાં પગ ઘાલે એવું કૌવત હજુ હાથવગું થયું નથી…પછી તો માતૃભાષાએ ગુર્જર સંસ્કૃતિને પારણે ઝૂલાવી.

સુધારક યુગ- ૧૮૫૦ થી ૧૮૮૫

પંડિત યુગ- ૧૮૮૫ થી ૧૯૧૫

ગાંધીયુગ- ૧૯૧૫ થી  ૧૯૫૦

અનુગાંધી યુગ-  ૧૯૫૦ થી ૧૯૭૫

આધુનિક યુગ- ૧૯૭૫….ને પછી..નવી પેઢીમાં વિશ્વ વાયરે  ઊઠી આંધી!

હવે નેટ જગતે …ઝીલમીલ સિતારોંકા આંગન હોગા ..મા બોલી અનેક પડઘામાં પડઘાતી આગળ ધપી રહી છે…

………………………

ધન્ય! માતૃભાષા મા બોલી…રમેશ પટેલ(આકાશદીપ)

 

સંબંધની   તું  રેશમ  દોરી

પઢીતી  પારણીયામાં પોઢી

વિશ્વ  વધાવે આ ખુશહાલિ

ધન્ય! માતૃભાષા મા બોલી

 

મધુ મીઠડી માતૃભાષા તું,

જીવનની ઉપલબ્ધિ

અનુભૂતિનો  અબ્ધિ

ખીલી ખીલવે સંસ્કૃતિ તું ભોળી

વંદું આજ  માતૃભાષા મા બોલી

 

ધન્ય માતૃભાષા જ!

તું ગીત કલાની  ઝોળી

આત્મ સન્માનની ડોલી

પલપલના વૈભવે  ભરી તારી રે ઝોળી,

વિશ્વ વધાવે મા બોલી

વંદું  આજ માતૃભાષા મા બોલી

રમેશ પટેલ(આકાશદીપ)

……………………………………….

મારી   ભાષા તું  ગુજરાતી…રમેશ પટેલ(આકાશદીપ)

પ્રભાતિયા  જેવી  પુનિત  જ  મારી   ભાષા તું  ગુજરાતી

માતૃભાષા  દિન  ઉજવે   વિશ્વને, ચાહ  ઘણી  ઊભરાતી

 

‘નાગદમણ ‘નો   આદિ  કવિ વ્હાલો  રે ભક્ત  નરસૈયો

પ્રેમાનંદ  તું   ધન્ય  જ  રે   ટેકી, શતવંદી  ગુર્જર છૈયો

 

ખુલ્યા  ભાગ્યને   મળ્યા રે  નર્મદ   દલપત   અર્વાચીને

ને   મલકાણી   ભાષા  ગુજરાતી   હસતી  રમતી   દિલે

 

મેધાવી   સાક્ષર   મોટા  હાલે   જાણે ,અસ્મિતા વણઝાર

ગાંધી  આધુનિક   યુગ મહેકે મોભે , ધરી કનકી  ઉપહાર

 

મોગલ, અરબી, ફારસી- અંગ્રેજી ,ને બંગ રંગ તવ મજાના

ગુર્જર  ભાષાએ  ઝીલ્યા  ભાઈ,   વિશ્વતણા  શબ્દ  ખજાના

 

ફેબ્રુઆરી  એકવિસમો , દિન  વિશ્વ  માતૃભાષાનો  ગરવો

ગુર્જર  લોકસાહિત્ય  સાગર તીરે  માણું  રે ચાહત  જલવો

રમેશ પટેલ(આકાશદીપ)

4 thoughts on “મારી ભાષા તું ગુજરાતી…..રમેશ પટેલ(આકાશદીપ)

  1. માતૃભાષા દિવસ પ્રસંગે માતૃભાષાનું ગૌરવ કરતી કવી રમેશભાઈની મજાની બે રચનાઓ માણી .

    સંબંધની તું રેશમ દોરી

    પઢીતી પારણીયામાં પોઢી

    વિશ્વ વધાવે આ ખુશહાલિ

    ધન્ય! માતૃભાષા મા બોલી

    વાહ !

    Like

  2. મધુર શબ્દોએ માણી ભાષા, આપણી સૌની માતૃભાષા
    વાહ, સુંદર શબ્દાવલી અને સુંદર અલંકારિક વેશભૂષા

    Like

  3. આદરણીયસુશ્રી પ્રજ્ઞાબેન

    આપની આ બ્લોગ પોષ્ટથકી, માતૃભાષાના ચાહકોને મળવાનું સૌભાગ્ય મળ્યું, ગૌરવ મળ્યું.. એ બદલ આપનો ખૂબ ખૂબ આભાર.

    રમેશ પટેલ(આકાશદીપ)

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s