શુભેચ્છા સહ-(6) કલ્પના રઘુ

શુભેચ્છા સહ એટલે સારી ભાવના સાથે કોઇના માટે સારું ઇચ્છવું તે. જે હંમેશા સકારાત્મક હોય છે અને અંતરથી અપાય છે. આપણે સામાન્ય દ્રષ્ટિકોણથી વિચારીએ કે કયારેક શુભેચ્છા આપનાર શણગારેલી ભાષામાં કે મોંઘી ભેટ કે કાર્ડ આપીને શુભેચ્છા વ્યક્ત કરે છે. પરંતુ જો અંદરથી તે વ્યક્તિ માટેની ખરાબ ભાવના હોય તો તે આપેલી શુભેચ્છા ફળતી નથી. તેવી રીતે સામેની વ્યક્તિ શુભેચ્છા સ્વેચ્છાએ સ્વીકારે નહીં તો તે વ્યક્તિ પોતાની જાતે એક દિવાલ ઉભી કરે છે. તેથી સામેની વ્યક્તિએ આપેલી શુભેચ્છા ફળતી નથી. આ એક હકીકત છે. મતલબ કે, શુભેચ્છા માત્ર ઔપચારિકતા પૂરતી અપાય તો તે કહેવાતી શુભેચ્છા જ રહી જાય છે. તે ફળીભૂત થતી નથી.

શુભેચ્છાનું એક વિજ્ઞાન છે. જે હું આપને વેદોની ભાષામાં સમજાવવા માંગું છું. બ્રહ્માંડ સ્પંદનોનું બનેલું છે. અને સ્પંદનો મનુષ્ય ઉત્પન્ન કરે છે. ભગવાને આપણને લાગણીઓ આપી છે. આ લાગણીઓ સાથે સ્પંદનો જોડાય છે ત્યારે વસ્તુ કે પરિસ્થિતિ ફલીભૂત થાય છે. તમે જે વિચારો તેને કોઇ ભાષા નથી હોતી. વેદોમાં કહ્યાં પ્રમાણે વાણી ૪ પ્રકારની હોય છે. પરા, પશ્યન્તી, મધ્યમા અને વૈખરી વાણી. પરા વાણી મૌનની, સિધ્ધોની, ઇશ્વરની વાણી છે. તે ચારેયમાં સૂક્ષ્મતમ છે. આપણે કોઇના માટે શુભેચ્છા કોઇ પણ રીતે વ્યક્ત કરીએ તો તે વ્યક્ત કરવામાં આવતી ભાષા ગમે તેટલી વરખ લગાડેલી હોય પરંતુ અંદરની ભાવના ખરાબ હોય તો તે ભાવની ભાષા માત્ર ઇશ્વર જાણે છે. અને તેજ ફલિભૂત થાય છે. આમ લાગણીથી જે સ્પંદનો ઉભા થાય છે એ બ્રહ્માંડમાં જાય છે અને તે ફલિભૂત થાય છે. પછી ભલે સામેની વ્યક્તિ હજારો માઇલ દૂર હોય. ભગવાન માત્ર સ્પંદન અને લાગણી સમજે છે. મનુષ્યની ભાષા નહીં. ટેલીપથીનો અનુભવ તો દરેકે કર્યોજ હશે. તમે જે દિલથી વિચારો તે બનીને  જ રહે છે.

આજકાલ શુભેચ્છાઓ આપવામાં નીત નવી વિવિધતાઓએ પ્રવેશ કર્યો છે. બે હાથ જોડીને શુભેચ્છા પાઠવવાથી માંડીને ફેઇસ બુક, વોટસ્‍ એપ કે ઇ-મેઇલ દ્વારા શુભેચ્છા પાઠાવવામાં આવે છે. જેટલી નવિનતા અને સરપ્રાઇઝ શુભેચ્છામાં વધુ તેટલો આનંદ વધુ. શુભેચ્છા જેટલી દિલથી આપશો કે સ્વીકારશો , તેટલો તમારો અહમ્‍ ઘટશે, તેટલું તમારું અનાહત ચક્ર ખૂલશે, તમારી ઑરા વિસ્તરશે અને સામેની વ્યક્તિ સુધી સફળતાથી પહોંચશે. આમ શુભેચ્છા એક દિલથી બીજા દિલ સુધી સરળતાથી પહોંચવાનો માર્ગ છે. સામેની વ્યક્તિનાં દિલનાં દ્વારને ખોલવાની ઘંટડી છે. અને માટે હું કહીશ કે શુભેચ્છા એ વિશ્વનો શ્વાસ છે. જેનાં પર વિશ્વ નભે છે. શુભેચ્છાને એક જીવંત વહેવાર કહી શકાય. વહેવાર એટલે એક હાથે આપો અને બીજા હાથે લો. બ્રહ્માંડનો સિધ્ધાંત છે કે જેવું તમે આપો તેનાંથી બમણું પાછું આવીને મળે છે. વડીલો, ગુરૂજનો કે સંત તરફથી મળતી શુભેચ્છાને આશીર્વાદ કહેવામાં આવે છે.

શુભેચ્છા સહ કોઇ વાણી, વિચાર કે વસ્તુની આપ-લે થાય તો તમારૂં હ્રદય લીલુંછમ બની જાય છે. ચારે બાજુ પ્રકાશ નજરે પડે છે. તમે પોઝીટીવ વાઇબ્રેશન અનુભવો છો. બધું જ સારું થઇ રહ્યું છે તેવો અહેસાસ થાય છે. અને જો તેનાથી વિરુધ્ધ હોય તો તમે ઉદાસીનતાથી ઘેરાયેલા લાગો છો. કંઇક અમંગળ થવાનું હોય તેવો ભાસ થાય છે.

શુભેચ્છા એવું જીવંત રસાયણ છે કે મરતાં માણસને બેઠો કરે છે. મડદાને બેઠાં કરવાની તાકાત તેનાંમાં છે. સવાર, બપોર કે રાત્રિ શુભેચ્છા વગરની હોઇ જ ના શકે. ગુડમોર્નિંગથી ગુડનાઇટ અને સ્વીટ ડ્રીમ્સની શુભેચ્છાથી મનુષ્ય તાજગી સભર રહે છે. શુભેચ્છાનાં વરસાદમાં છત્રી ના જોઇએ. તેમાં પલળવાનું, ભીંજાવાનું મન થાય. તો ચાલો, આપણે સૌ એકબીજા માટે શુભેચ્છાઓનો વરસાદ વરસાવીએ.

સર્વે ભવન્તુ સુખીન:, સર્વે સન્તુ નિરામયા:
સર્વે ભદ્રાણી પશ્યન્તુ, મા કશ્ચિદ્‍ દુ:ખમાપ્નુયાત્
ૐ શાંતિઃ શાંતિઃ શાંતિઃ

કલ્પના રઘુ

5 thoughts on “શુભેચ્છા સહ-(6) કલ્પના રઘુ

  1. સર્વમીત્રોને દીપાવલીની શુભકામનાઓ અને નવા વર્ષની હાર્દીક શુભેચ્છાઓ..

    Like

  2. Kalpanaben, I like what you said about reaching people with telepathy, because I believe in it. If you really mean what you say, it certainly reaches the other person. Very well expressed. Congratulations. Happy New Year to you and family.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.