સ્વાગત

મારા વડીલ મિત્રો

બ્લોગ જગતમાં ભાવ ભર્યુ અને સ્નેહ નીતરતું સ્વાગત્.
વડીલની હાજરી અમને સૌને સર્જનમા નવી રાહ ચીંધશે.  …..

આ બ્લોગ મારા  ૯૪ વર્ષના માતા સમાન સાસુશ્રી શાંતાબેન દાદભાવાળા ને અર્પણ

 મેં સીનિઅર સિટિઝન ને પ્રેરણા આપવા તેમના જીવનના વિવિધ પાસાઓને સ્પર્શતા તેમના  અનુભવો ને   અભિવ્યક્તિ આપવા , તેમજ  તેમની માતૃભાષાની ચાહતને વ્યક્ત કરવા તથા ભાષાને તેના મહત્તમ ચાહકો સુધી પહોંચાડવાનો.  મારો આ એક નમ્ર પ્રયત્ન છે ……

ભાવનાઓ જ્યારે શબ્દદેહ ધારણ કરે છે ત્યારે ઘણાબધા ભાવુકોના હૃદયની લાગણીઓને વાચા મળે છે.અને રચાય .. સ્વરચિત કૃતિ.એક કાવ્ય.આજે તમારી એક સ્વરચિત કૃતિ. રચવા, સ્વની  ખોજ  સાહિત્ય દ્વારા વ્યક્ત કરવાનો સુંદર મોકો લાવી છું..જો આપ સાહિત્ય પ્રેમી હોવ અને આપને કંઈક લખવાની ઈચ્છા હોય……..રોજિંદા જીવનની ઘટમાળ અને ઘોંઘાટ વચ્ચે જે કંઈ હૃદયને તીવ્રતાથી સ્પર્શી ગયું, જાણ્યું-માણ્યું કે અનુભવ્યું; તેને આપ સૌ વાચકમિત્રો સાથે વહેંચવાનો પ્રયત્ન કરજો. તો બસ, ઉઠાવો કલમ…….. અમને આપનો લેખ, આપની કૃતિ આ બ્લોગ પર પ્રકાશિત કરવા માં અત્યંત આનંદ થશે !…આ અક્ષરદેહની જણસ જળવાશે, કોળશે અને કિલ્લોલશે…મિત્રો હું  નિમિત માત્ર છું …

તમારે માત્ર હિમત કરી …ધીરજથી ઉંબરા ઓળંગવાના છે
દુખતા  પગે દાદર ચડવાના…ફંટાતા ખૂણાઓ પસાર કરવાના.છે
તમારે ધીરે ધીરે શોધ” માટે પ્રયાસોનો ધોધ વહાવવો પડેશે  ,અને  પછી જુઓ અંતરદ્વાર ખુલતાં જશે , પ્રકાશ રેલાય શે અને ત્યારે  એક સ્વરચિત કૃતિ…રચાશે…અને ત્યારે લખનાર અને વાંચનાર બંનેના દિલને શાતા મળશે.

નિષ્ફળતા જેવું હોતું નથી,
હોય છે માત્ર પ્રયત્નોનું છોડી દેવું…

હાર જેવું પણ કશું હોતું નથી,
સિવાય કે અંદરની એક લાગણી.

પાર કરવી મુશ્કેલ એવી કોઈ વાડ નથી,
સિવાય કે આપણા જ આશયોની સ્વાભાવિક નિર્બળતા !

જીવનના વિવિધ પાસાઓને સ્પર્શતા આપના અનુભવો, આપની અભિવ્યક્તિ, આપની વિવિધ મૌલિક કૃતિઓ જેવી કે ટૂંકી વાર્તાઓ, કાવ્ય, ગઝલ,  પ્રવાસ વર્ણન કે આપને ગમતા અને વિચારપ્રેરક એવા કોઇ પણ વિષય પર કૃતિ વગેરે મોકલી શકો છો.